Popular Bible Verses from Sal 143

Share

Eh cha k'uhtaaj weh rub'anariik inawaaj, ruum re' hat i nuDios. Re' ta naq aawuxlaab'al q'e' atoob' neenk'amwik weh chupaam i korik laj b'eeh.

QaJaaw Dios, rajlaal ta naq wahq'eq neenuk'ul aawotob'il, ruum awuuk' i hat nuye'em nuk'ux. Eh cha k'uhtaaj weh i naa nub'anam, ruum awuuk' hat i nupahqaaj nuna'ojb'al.

Jaaw, kinako'leej tii pan kiq'ab' i ki-ixowanik nuwach, ruum awuuk' i hat inusik' ko'lemb'al wiib'.

QaJaaw Dios, chako'leej riij i nuk'achariik reh chi nee nuloq'ej aab'ihnaal. Ruum chi korik wach ak'ux naa kiin awesam chupaam i ti' k'axik.

QaJaaw Dios, chab'iraj tii i nutiij, chayeew weh i nupahqaaj aweh. Ruum re' hat q'e' hat atoob', eh korik wach ak'ux.

QaJaaw Dios, chayeew tii weh chi jumehq'iil i nupahqaaj aweh, ruum re' hin xama' kow ta chik nuk'ux inwik'raaj. Eh wila' ma' xinatob'eej nee kinkahnik chi je' kikab' i kamnaq.

Re' hin ink'ulik panuk'ux i q'iij ik'inaq taqe chaloq i nukapaaj riij taqe i a'nam chaloq. Je' wo' chu'nchel ayejaam taqe cho ruuk' aq'ab'.