Popular Bible Verses from Miq 3

Share

Eh re' hin, hin nujinaq ruuk' i ruxlab'al i QaJaaw Dios, i ruyeew nukowiil, i ruk'uhtaaj weh i korik, reh chi neenuq'or keh panaq' kiwach i aj Israel re' taqe i riih rumaam i Jacob chi korik chi ma' nkinimaj ta chik i QaJaaw Dios, chi ma' k'isiin i mahk inki a'n.

Eh re' taqe i q'atal q'orik inkik'ul i tumiin chi riij i chukuj q'orik. Re' taqe i k'amal kib'eeh aj tiij koruuk' tumiin inki a'n i k'uhb'alinik. Eh re' taqe i jalal ruq'oral i Dios inki a'n kiib' koruuk' tumiin inkiq'or i k'uhb'aal, eh inkiq'or chi reh i Dios inki a'n je' wili inkiq'or: Re' i QaJaaw Dios wilik quuk' ma' xtaj i yiib' wach neenchalik chi qanaah, inki taqe.

Eh pan jinaj ponoq q'iij nanaq chik aq'oreem taq i QaJaaw Dios, re' reh ma' naa ta taq chik kaat rib'iram. Ma' naa ta chik ruk'uhtaam i rotob'il taq cha naah, ruum xiik' naah yib'kiil wach taq amahk.