Popular Bible Verses from Isa 26

Share

QaJaaw Dios, re' hat i nayeew keh i suq kiil k'uxliis i kiye'em kik'ux awuuk', ruum awuuk' i hat ch'iklik kik'ux.

Je' re' noq eliik taq chayeew ak'ux ruuk' i QaJaaw Dios, ruum xa re' wo' reh neenko'linik taq aweh chi juneliik.

Re' hin rajlaal aq'ab' inusik' awotob'il, chu'nchel i wánima, je' wo' pantaq wahq'eq. Je' re' i naa nub'anam nik' pa' chik najtiil i nuk'achariik ayu' wach ak'al. Ruum re' hat naa a'nam i q'ataj q'orik wach ak'al, re' tinamit inchol kisik'im i korik.

QaJaaw Dios, re' hoj qeht'al chi re' hat ti ye'wik qeh i suq laj k'acharik. Eh re' hat ti k'amwik qab'eeh chub'anariik aakamaj.

QaJaaw Dios, re' hoj q'e' suq qak'ux chuk'amariik i b'eeh i ruq'or qeh taqe aak'uhb'aal. Re' i wilik panqanima i hoj re' chi xa re' wo' hat naa kaat qakapaam chi juneliik.

QaJaaw Dios re' taqe i korik wach kik'ux re' i holohik b'eeh inkik'am, ruum re' hat ti ye'wik keh chi naab'jik.

Eh re' reh ineesanik i runimaal kiwach inkinimb'isaj kiib'. Eh xusach kiwach i tinamit ma' tiklik ta kib'anik, xukut taqe wach ak'al i q'e' naq kow kiib.

Yu'naak cha teh taq i ookb'al reh i tinamit, reh chi neekiokik ar i korik wach kik'ux, i kib'anik reh i korik.