Popular Bible Verses from Isa 25

Share

WaJaaw hat nuDios, re' hin i nuyeew aloq'il, i nuyeew runimaal wach aab'ihnaal, ruum xa a'n taqe i sahchb'al k'uxliis, ayejaam cho wach najtir. Eh korik wo' hoq chi xooj eloq wach.

Re' i QaJaaw Dios naa risam i rajaawriik i kimik chikinaah chi jumpech. Eh naa rujuxum i riis naq' kiwach i rutinamiit naa resam i kik'ixb'ilaal, re' wili re' i QaJaaw Dios inq'orik reh.

Eh chupaam i q'iij re' re' je' wili i naa kiq'orom i tinamit: Re' aj re' i wili i xti manlik qaDios, korik wo' hoq chi ruuk' i reh inqach'ikaa' qak'ux, eh re' reh xoj ruko'leej. Ruum aj re' i ruk'ul chi naa rusuuqb'iik qak'ux, ruum korik chi xoj ruko'leej chik, inko'q taqe.

Eh chinaah i yuuq' re' re' naa reliik reje i naa resaniik reh i ti' k'axik chikinaah i tinamit. Eh naa resam i ruti'kiil kik'ux naa risam chikinaah i je' q'eq laj itz'ihy b'otooj taqe wii'.

Eh re' i QaJaaw Dios nim rajaawriik, chinaah i yuuq' Sión naa rub'anam jinaj i ninq'iij chi keh chu'nchel i nimaq taq tinamit. Eh naa kik'uxum i suq laj wi'k, eh suq laj k'uxb'al wi'k, naa kuk'em i sik'oj wach riis uuva.