Popular Bible Verses from Ex 4

Share

Eh re' QaJaaw Dios je' wili xuq'or: ¿Mi ma' aweht'al re' hat, chi re' hin kinye'wik i chii' i winaq inq'orik wii'? ¿Awach xkananik reh i meem i tz'aplik xikin, i ma' nilwik taj, inilwik? ¿Mi ma' re' wo' re' hin? Eh re' hat hiy cha a'n i nuq'or aweh, re' hin naa nuwihiik awuuk' cha toob'jiik. Eh re' hin naa nuk'uhtaniik aweh chib'ih i naa aq'orom, inki.

Re' Moisés je' wili i xuq'or: QaJaaw Dios, re' hin xa weh chi ma' kinchol ta q'orik, ma' jank'al ta xata chik holohik i q'orik i nelik chi nuwach. Xa panuk'isinal chaloq chi kinqab'qotik chi q'orik. Xa ko je' wo' yu'naak noq k'ahchi' kiin aq'oreem hin amoso, inki.

Eh re' i QaJaaw Dios xkaqrik je' wili i xuq'or reh i Moisés: Re' hat wilik jinaj aawas Aarón rub'ihnaal, re' reh aj Levíta, inchol q'orik neetirutob'eej. Eh noq naa awojiik k'oloq ar Egipto naa ruchaliik chak'ulariik, eh naa rusuuqb'iik ruk'ux noq naa rilom awach.