Popular Bible Verses from Ex 3

Share

Re' Dios je' wili i ruchaq'weesjiik i Moisés xub'an: Re' hat neenaq'or keh i aj Israel chi re' HIN I DIOS Nim Wajaawriik i nub'ihnaal xa wilkiin wo' chi juneliik, eh chi re' hin xin taaq'anik reje aweh kuuk', inki.

Re' Dios je' wili i ruchaq'weesjiik i xub'an: Hiy la' ruum re' hin naa nutoob'iniik aweh, re' wili i rehtalil naa ruk'uhtaniik reh chi re' hin xin taaq'anik reje aweh, re' noq awisam chik chaloq taqe i nutinamiit Israel ar Egipto naa taq kinaloq'em chinaah i yuuq' wili, inki.

Eh je' wili i xuq'or cho reh ruum i QaJaaw Dios: Maajil chawiib' ayu', chawisaj peet axijab' cha wooq ruum re' i ye'aab' pa'alkaat wii' santo laj ye'aab'.

Re' i QaJaaw Dios je' wili i xuq'or: Re' hin weht'al chi re' i nutinamiit wilkeeb' ponoq ar Egipto panti' k'axik wilkeeb', k'ahchi' kik'oqiniik pan kiq'ab' i josq'laj winaq intaaq'anik keh pankowlaj kamanik q'e' ti' kik'ux. Ruum aj re', re' hin xin chalik chi kiko'ljiik i nutinamiit pan kiq'ab' i aj Egipto, eh naa taqe wesam cho ar. Eh naa taqe nuk'amam reje chupaam i runimaal ye'aab' xiik' naah chihojal, re' kielik wii' i suq atoob'. Ar taqe naa nuk'amam reje chupaam i kiye'aab' i aj cananeo, aj heteo, aj amorreo, aj ferezeo, i aj heveo, i aj jebuseo.

Eh ar xuk'uhtaaj riib' reh i Moisés jinaj i ruánjel i QaJaaw Dios pan q'aaq' chupaam i juniwal chi k'iix. Eh noq tz'ehtanik reje i Moisés i rilow chi xanchaqchotik chik ruq'aq'al i k'iix xa re' la' xama' k'achlik ta wo' hoq.

Je' re' noq re' hat cha yejaa' awiib' ruum re' hat naa kaat nutaq'aam reje ruuk' i kireey i aj Egipto reh chi naawisam taqe chaloq i nutinamiit aj Israel ar Egipto, inki Dios.