Popular Bible Verses from Ex 5

Share

Eh re' i Moisés ruch'ihil i Aarón, xiooj ruuk' i kireey i aj Egipto, je' wili i xkiq'or reh: Re' QaJaaw i ki Dios i aj Israel je' wili xuq'or chaaweh: Chutaq'aaj reje i nutinamiit chupaam i ye'aab' chiq yuuq' reh chi neenkian ninq'iij ar ye'b'al nuloq'il inki, inki taqe.

Xa re' wo' noq xk'ulik nuq'oreej i reey panab'ihnaal chikiij aatinamiit xtohq'ik rub'an ti' k'axik keh. Eh re' hat xakomajaa' wo' nakapaaj kiko'ljiik, inki.

Eh re' i Moisés je' wili i xuq'or reh i Dios parutiij: QaJaaw Dios ¿Chib'ih reet noq k'ahchi' a'nam ti' k'axik keh aatinamiit wili? eh wila' je' re', ¿chib'ih kamaj noq xinataq'aaj cha yu'?

Re' i reey je' wili i xuq'or: ¿Awach i Dios taq inaq'or re' re' reh chi neenunimaj, eh chi neenutaq'aaj taqe reje i aj Israel? Re' hin ma' weht'al ta wach i Dios re' re', eh ni xata neenutaq'aaj taqe reje i aj Israel, inki.

Eh kow taq naa aq'orom keh chi ma' jino'q naa rutoqiik rooq xaan naa kiyejaam xa je' wo' k'ihaal inkiyejaa' chaloq. Ruum re' keh xa je' cho ma' chih kikamaj ruum aj re' kow inkik'er kichii' chuq'orariik chi je' wili: Narojiik qak'atam i qamayiij chuwach i QaJaaw Dios, inki taqe. Chayeew taqe pankowlaj kamanik. Eh eliik-oq wilik kikamaj taq awuum reh chi ma' nee tan teh kiwach chi rib'irjiik i xachukuj q'orik, inki.