Popular Bible Verses from 1 Jn 4

Share

Ta yel wali ay co camc'ulal, c'amxa chon xiwi. A mac tz'akanxa is camc'ulal yin Dios, c'amxa chi xiwi. Yujtol a yet chon xiwi, chi yal elapnok tol chon xiw bay yailal ok jay yuj yowal c'ul Dios. Yuj tu', a eb chito xiwi, c'amto chi tz'aknaj el is camc'ulal eb chi yal tu'.

Ex camc'ulnebil wuj, yet onxa Dios tinani'. Cannakxacan eb lek'ti' tu' yalan juj. Yujtol a Cham ayoc jin, ec'ban is yipal yintak jun ayoc yin eb yet yulyibank'inal ti'.

Ay co camc'ulal yin Dios tinani', yujtol a Cham max babji on is camc'ulneni.

Ex wuẍtak, ex wanab camc'ulnebil, co camc'ulnelejek co ba, yujtol a jun camc'ulal tu', a bay Dios chi tita. Ta ay co camc'ulal, tita' tol yuninal onxa Dios, cax jojtakxa Cham chi yal tu'.

Ta c'am co camc'ulal, manto jojtakok Dios chi yal tu', yujtol ayc'alta' is camc'ulal Dios.

A is camc'ulal tu', acaw camc'ulal toni, yujtol mayonnak max babji co tx'oxon co camc'ulal bay Cham, palta tol a Cham max babji tx'oxon camc'ulal ayon. Max chektek is C'ajol, ul yak'on cam ba tojolok co yobtakil.

Ex wuẍtak, ex wanab camc'ulnebil, tix ton max con yut camc'ulnen Dios ti'. Yuj tu', yowalil chi co camc'ulnelejek co ba c'apaxok.

Ilab tol max tx'ox Cham is camc'ulal ayon, yin chekontek jun c'otan is C'ajol cam bay yulyibank'inal ti', yuj yak'oncan co k'inal tol ayc'al yin tojbalk'inal.

K'inalok ta chi jala', tol lanan co camc'ulnen Dios, palta chi chichon pax oc co c'ul yin junok jet animail, lek'ti' on chi yal tu'. Ta c'am chi co camc'ulnej eb jet animail tol chi jiloc yin tu', ¿tzet wal ok jut co camc'ulnen Dios tol c'am chi jiloc yin?

A mac chi alon axca ti': A Jesucristo C'ajol ton Dios, ta ẍi, ti tol ayoc yin Dios chi yal tu', cax ay c'apax oc Dios yin.

A Cristo ak'nejcan jun chekbanilej ti' ayon, cax chi yalon axca ti': A eb chi camc'ulnen Dios, yowalil chi camc'ulnelej pax ba eb yetok yet animail, ẍi.

Ex in camc'ulnebil, ta ay eb chi aloni tol yet Dios tzetak yetal chi ec' yala', man comonok che cha' e yab bay eb yin ayman. Yowalil che yak' porobal eb babelal, ta yel a Dios ayoc yetok eb. Yujtol xiwil eb lek'ti' bay yulyibank'inal ti', tol chi tz'ak yaloc ba eb chekbejok Dios. Ti chi waltok e yabej, tzetbil chi yun jojtaknen elok mactxel eb ayoc Cham Yespíritu Dios yin. Ta chi yal eb axca ti': Yel toni, ocnak Jesucristo animail yet max ulic' bay yulyibank'inal ti', ta ẍi eb, tita' tol ayoc Cham Yespíritu Dios yin eb xin.

Palta a pax mac man cayok tu' yalon yin Jesús xin, c'am oc Cham Yespíritu Dios yin chi yal tu'. Ti tol lajan is nabal yetok nak ajc'ul oc yin Cristo. E yabnakxa, tol a nak ok oc ajc'ulal yin Cristo yowalil ok pitzc'oj ajok. A tinani' ayxa eb lajan is nabal axca ok yut ba nak chi wal tu'.