Popular Bible Verses from 1 Jn 3

Share

Ex in camc'ulnebil, c'am chi je' tol toc'al chi jala' tol aynaj co camc'ulal, palta yowalil chon colwaj bay eb juẍtak c'al bay eb janab. Axca ton ti' ok jut co tx'oxk'abnen elok tol yel chi jala' tol ay co camc'ulal.

Jojtak tzetbil yayji oc is camc'ulal Dios jin, tol max yak' ba Jesucristo cam juj. Yuj tu', yowalil cayokab tu' chi jut co camc'ulnen eb juẍtak, eb janab, jak'okab co ba cam q'uexelok eb.

Ilab wali, caw wal chon is camc'ulnej co Mam Dios, ilab tol chon yaloc yuninalok. Yel toni, yuninal onxa. A eb yet yulyibank'inal ti', c'am chi nachaj el yuj eb, tatol yuninal onxa Dios, yujtol man yojtakok eb Dios.

A mac ac'ala' beybalnen yobtakil, ac'ala' yettoc'alta' nak diablo chi yal tu', yujtol a' chanej el yich yobtakil tu'. Toltax tinani', ac'ala' yunen yobtakil. Yuj tu xan max ulic' Cham C'ajol Dios bay yulyibank'inal ti', yuj ul yak'on lajwok tzet chi el yunen nak diablo tu'.

Tatol yel yuninal onxa Dios, majxa co beybalnej yobtakil, yujtol a is c'ulbal Cham ayoc jin. A tinani', c'amxa chi je' co beybalnen yobtakil, yujtol yuninal onxa.

K'inalok watx' ayon, axa chi jilon junok juẍtak, ma junok janab tol ayoc yin majilal. Ta c'am tzet chi jak' pax bay, c'am jabok co camc'ulal yin Dios chi yal tu'.

Ta chi jikej is chekbanil, tita' wal tol ayon oc yin Cham, cax ayoc Cham jin junjun on. Jojtak tol ayoc Cham jin, yujtol max yak' Cham Espíritu ayon.

Axca ton ti' chi yun txecloj elok, mactak txel eb yuninalxa Dios, mactak txel eb yuninal c'apax nak diablo. Ta man watx'ok co beybal, ta c'am chi co camc'ulnej eb juẍtak eb janab, wal yel mayon yetok Dios chi yal tu'.

A jun chekbanil ok waltok ayex ti', atax yet max ex oc yetok Dios cax max e chaon el yich e yabeni: Co camc'ulnelejek co ba, ẍi jun chekbanil ti'.

Ex wuẍtak, ex wanab, manchak c'ayaj e c'ul yet ok chichon oc c'ul eb yet yulyibank'inal ti' e yin.