Popular Bible Verses from Isaías 45

Share

Cxel nk'o'ne ke ti'xti tbanil ex wi'yil teya, akeju ewan ex ju k'inumabl c'u'n cyuj ke lugar tuj tewan, tu'ntzun tel tnic'a ti'j akine Cydios aj Israel ex akine in chin txocone ti'ja ti'j tbiya.

Chin bel neje twitza, che bel nti'line ke witz, c'oquex npa'ne ke tpwertil tnam k'an c'uxbil ex che bajel ntokine ke c'uxbil toc ttzi tpwertil tnam.

Akine Dios ex minti' juntl, minti' juntl Dios o'cx kine. Cxel nk'o'ne tipuna tu'n tcub cyi'j tnam tu'na masque minti' nne'l tnic'a wi'je. Oc nbincha'ye jlu tu'n tel cynic' cycyakil xjal tuj tjawitz k'ij ex tuj telex k'ij minti' juntl ic tza'n kine. Akine Dios aju Cymane ex minti' juntl.

Wu'ne in bant spic'un ex klolj, in che ten xjal tuj txubtxaj wu'ne, ex in tzaj nk'o'ne yajbil cyi'j. Akine Dios aju in binchante tcyakil jlu.

Cytzaje wuc'ile tu'n cyclete wu'ne, akeye tnam ate'ye max ttxa'npun tx'otx', porque akine Dios ex minti' juntl.

Oc tk'o'n Kman toclen Ciro tu'n toc te rey, tzaj ttzyu'n tk'ab tu'n tten tipumal, tu'ntzun tcub cyi'j ke nasyon tu'n ex tu'n tel baj ti'n cymacbil rey, akeju in che ajben tuj k'oj. Che jaketel ke tpwertil tnam tu'n Kman twitz rey Ciro ex mi a'l jun jacu tz'etz lamonte cye. Ex ja'lo in xi tma'n te cyja'

Xi nma'ne jun nyole axix toc wu'nx wibe, xi ntziyane jun nyole axix toc, ex aju yol lu mlay ch'expet; cycyakil xjal che cbel ẍmeje' nwitze, ex cycyakil ctzajel cytziyan tu'n cynimante weye.

Txqueta wu'ne ti'j tbiya nok tu'n cylaj sc'o'maj wu'ne ke nmajene, akeju aj Israel tiyjil Jacob, ex ma txi nk'o'ne juntl tbiya ma' toclen masque minti' nne'l tnic'a wi'je.