Popular Bible Verses from Isaías 11

Share

Cucx ctel T-xew Kman tuc'il tiyjil David ex cxel tk'o'n tojtzkibl tu'n tel tnic' ti'j tcyakil; cxel tk'o'n tnabl ex tipumal, c'elel tnic' ti'j tajbil Kman ex cnimal te. Ctzalajel oc tniman te Kman; mlay che oc xjal tuj xjel tu'n nok tu'nju oc tque'yinte alcye cyten xjal, ex mlay bant cyi'j xjal nok tu'nju in tbi'n.

Cyxol tiyjil Isaí cjawil jlet jun rey tu'n toc te t-xel David. Ic tten jlu ic tza'n jun tze' in jaw tx'emit, o'cx ttronquil in cyaj ten ex ti'j tronc in tzaj jlet t-xul.

Tuj tumelxix cxel tbincha'n cyi'j ke xjal minti' cyipun ex cxel tbincha'n cyi'j ke meba xjal ate' tuj tcyakil twitz tx'otx'. Aju tyol ic c'oquel ic tza'n jun tze' tu'n tcub cycastiw xjal najl twitz tx'otx', ex tu'n t-xew nne'tz tuj ttzi' che cymel ke xjal binchal mya ba'n.

Tuj tumelxix ccawil cyibaj xjal ex axix toc tyol.

Tuj tcyakil twi witz xjan aju etzan tu'n Kman, misicyer jun cbinchal jun mya ba'n ti'j juntl, porque ic tza'n a' in noj mar tu'n, ax icxtzun cycyakil xjal twitz tx'otx' c'elel cynic' ti'j Kman.

Ke xo'j ex ke tal ẍne'l che najal junx tuj tzalajbil, ke tigr ex ke tal chip junx che bel bune', ke tal tor ex ke balun junx che wa'l ex ke tal c'wa'l che pastoril cyi'j.

Tuj tk'ijlalil tzul ctzajel jun tiyjil Isaí ex c'oquel te jun techal cye cycyakil xjal; che jyol ke nasyon ti'j ex tbanilxix c'oquel tnajbil.