Popular Bible Verses from Deuteronomio 5

Share

Cynimanxe cymane ex cytxu'ye ic tza'nx o txi nma'ne cyeye, tu'ntzun t-xi lak'e' tuj cyk'ije, ex tu'ntzun ba'n cyel cyk'ije twitz tx'otx' aju cxel nk'o'ne cyeye, akine Cymane ex Cydiose.

Che bettzune tuj be o tzaj yec'un cyeye tu'n Kman Dios, tu'ntzun cyank'ine ex tu'n tel ba'n cyeye, ex tu'n cyank'ine nim abk'i twitz tx'otx' aju ctzajel tk'o'n te cyetzbile.

Mi'n che cub ẍmeje'ye cywitz, ex mi'n che c'ulune cywitz, tu'nju akine Cymane ex Cydiose minti' in cub tuj nwitze tu'n cyc'ulune twitz juntl dios. Cpol canun castiw wu'ne cyibaj ke c'wa'lbaj, ke tal chmambaj ex ke cytxca chmambaj, tu'n tlaj in chin el ic'une cyu'n cyman, pero cucx ctel tk'ak'bil nc'u'je cyi'j nimcu cyiyjil xjal, akeju in che c'ujlan weye ex in che japun ke nmandamyente cyu'n.

Mi'n cub cybincha'ne jun tilbilal; mi jun tilbilal ti'j ju at tuj cya'j, mi jun tilbilal ti'j ju at twitz tx'otx', ex mi jun tilbilal ti'j ju at tuj mar.

Mi'n che c'ulune cywitz junxitl dios, o'cx nwitze tu'n cyc'ulune.

Mi'n tzaj cyna'ne nbiye nokx gan, akine Cymane ex Cydiose, porque cbel tcastiw xjal wu'ne aju in tzaj na'nte nbiye nokx gan.

Nokwit ic cyximbetz tcyakil maj, ic tza'nx ma cyma tu'n cyxob nwitze ex tu'n cyjapun ke nmandamyente cyu'n cycyakil k'ij, tu'ntzun cyank'in tuj tzalajbil, tza'nx cye ax icx cye cyc'wa'l.

Cyna'ntze aju k'ij te ojlabl tu'n tajben o'cx weye, ic tza'nx o txi nma'ne cyeye, akine Cymane ex Cydiose.

Mi'n pon cyc'u'je ti'j t-xu'jil cyuc'ile. Mi'n pon cyc'u'je ti'j tja cyuc'ile, mi ti'j ttx'otx', mi ti'j tmajen xinak, mi ti'j tmajen xu'j, mi ti'j twacẍ, mi ti'j tbur, ex mi ti'j jun ti'xti at te.

Mi'n cybinchaye aj pajil.

Mi'n che nic'ane yol ti'j cyuc'ile.

Mi'n che biyune.

Mi'n che elk'ane.

Cyna'ntze, ax icx cyeye o che tene te majen tuj Ejipt, ex etz wi'ne keye ma chixin tuc'il nim wipumale. Tu'ntzun jlu in xi nma'ne cyeye tu'n cynimane aju k'ij te ojlabl, akine Cymane ex Cydiose.

Kak k'ij che ak'nale tu'ntzun tbant tcyakil cyak'une, atzunju twukin k'ij, k'ij te ojlabl tu'n cyc'ulune weye, akine Cymane ex Cydiose. Mi jun ak'untl cbantel cyu'ne tuj k'ij lu, mi cyu'n cycy'ajale, mi cyu'n cyme'jele, mi cyu'n cymajene xinak, mi cyu'n cymajene xu'j, mi cyu'n cywacẍe, mi cyu'n cyburre, mi cyu'n ke cyalune, ex mi cyu'n ke stranjer xjal ate' tuj cytanmiye, tu'ntzun cyojlan ke cymajene xinak ex cymajene xu'j ic tza'nx cyeye in che ojlane.

Akine Cymane ex Cydiose aju etz k'inte cyeye tuj Ejipt, jatum ate'toke te majen.