Popular Bible Verses from Deuteronomio 6

Share

Cyc'ujlame Kman Dios tu'n tcyakil cyanmiye, tu'n tcyakil cyc'u'je ex tu'n tcyakil cyipune.

cucx cymanxe cye cyc'wa'le, ex che yoline cyi'j tuj cyjaye ex tuj cybeye, ax icx oc cyxi'ye tal ex oc cyjaw we'ye

Cyawancxe tuj cyanmiye cycyakil ke yol ma che'x nma'ne cyeye ja'lo

Cybintze akeye aj Israel: Ate Kman Dios o'cxcu junx.

cyc'alonque ti'j cyk'abe ex tibaj cywitze te jun techal

ax icx cytz'ibancuye cyi'j tlamel cyjaye ex cyi'j tmarquil.

Tenx tchiylal Kman Dios tuj cywitze, ex o'cx te che ajbene, ex o'cx tbi ctzajel cyna'ne ti'j cyyole.

Oc cyocx k'o'ne tu'n Kman tuj tx'otx' tzaj ttziyan cye kxe'chel Abraham, Isaac ex Jacob, jatum ate' nintz tnam tbanilxix mya cyu'ne jaw cybincha'ne; ate' ja tuj, nojni cyuj cyu'n ti'xti tbanilxix mya cyu'ne e noj; ate' xoch tuj, mya cyu'ne cu'x cylacu'ne; ex ate' tkan uva tuc'ix tkan olivo tuj, mya cyu'ne cu'x cyawa'ne; ex oc cywa'ne ti'j ex oc cynoje, ten cycwent cyi'je tu'n mi'n tic' tna'l Kman cyu'ne, aju etz k'inte cyeye tuj tx'otx' Ejipt jatum ate'toke te majen.

Atzun ke mandamyent lu, cyuc'ix ke ley ex ke cawbil o che tzaj tma'n Kman Dios tu'n cyxi nxnak'tza'ne cyeye, ex tu'n cyjapun cyu'ne oc cypone tuj tx'otx' c'oquel te cyetzbile, tu'ntzun tten tchiylal Kman Dios tuj cywitze, ex tu'n cyjapun ke tley ex ke tmandamyent cyu'ne, akeju ma che'x nma'ne cyeye, cyuc'ix ke cyc'wa'le ex ke tal cychmane tuj tcyakil k'ij te cyank'ible, tu'ntzun cytene nim k'ij twitz tx'otx'.

Cybinchame aju tz'aklxix ex aju ba'n twitz Kman, tu'ntzun tel ba'n cyeye tuj tcyakil, tu'n cyoque tajwil tbanil tx'otx' tzaj ttziyan Kman cye kxe'chel

porque aju Kman Dios at kxol, minti' in cub tuj twitz tu'n cyc'ulune twitz juntl dios; jacu tzaj tk'oj cyi'je, ex bi'x che najele tu'n.

Mi'n che c'ulune cywitz cydios mastl tnam ate' nikayin cytxlaje

Mi'n tz'oc cyk'o'ne Kman Dios tuj malbil ic tza'n o cybinchaye tuj Masah.