Popular Bible Verses from Deuteronomio 4

Share

Pero cyponlenxiye ma chixin, ka ma che jyone ti'j Kman Dios tu'n tcyakil cyanmiye ex tu'n tcyakil cyc'u'je, cneteltzun cyu'ne.

mlay che cyaj coline tu'n, mlay che naje tu'n, mlay tzic' tna'l tu'n aju yol cyaj bant ti'j tu'n cyuc'il ke kxe'chel, porque nim tk'ak'bil tc'u'j Kman cyi'je.

Porque toc tcwent Kman Dios cyi'je ex ic tten ic tza'n jun k'ak' in baj tz'e'y tcyakil tu'n.

Tu'ntzun jlu, cyk'onque cwent ti'j ju o cyile, mi'n tzic' tna'l cyu'ne ex mi'n naj ti'j cyc'u'je tuj tcyakil cyank'ible; nok o'cx tu'n tcyaj cyma'ne cye cyc'wa'le ex cye tal cychmane.

Cyja'tzun tz'elx cynic'e ti'j ex cyc'u'nxe tuj cyanmiye ka ate Kman, atzun Diosju aju at tuj cya'j ex twitz tx'otx'; minti' juntl, nok o'cx te.

¿Atpe juntl nintz nasyon nikayin ate' ke tdios ti'j ic tza'n ke, nikayin ta' Kman Dios ki'j oc txi kkanin jun ti'xti te?

Oc ttzaj tcyakil c'ixc'oj ex yajbil lu cyi'je, che ajetz meltz'aje tuc'il Kman Dios, ex cxel cynimane tyol

Mi'n tz'oc cyk'o'ne mastl yol ti'j yol in xi nma'ne cyeye, ex mi'n tz'el cyi'ne jun yol ti'j; o'cx tu'n t-xi cynimane ke tmandamyent Kman Dios, akeju in che'x nma'ne cyeye.