Popular Bible Verses from Aj Romab 3

Share

Conojel c'ut e macuninak. E najtajisam che ri u juluwem ri Dios. Ri Dios cuk'alajisaj chi uj suc' chuwäch rumal ri u tok'ob, e colotajinak c'u rumal ri Crist Jesus, man c'o ta cäquitoj che.

Ri Dios cuban suc' chque ri winak rumal ri qui cojonic che ri Jesucrist. Xa' junam cuban chque conojel ri quecojon che. Xa' c'u junam qui banic ri winak chuwäch.

Ri Dios xuya' ri Jesucrist che cojol utzil chquixo'l ri winak ruc' are'. Cäquirik we utzil ri' we quecojon che ri Crist, ri xturuw ri u quiq'uel rumal quech. Xc'ulmataj wa' che u k'alajisaxic chi ri Dios are suc' aretak xebucuy ri mac ri qui banom ulok ri winak, man xenataj ta chi che, chuk'alajisaxic ri u suq'uil pa tak we k'ij ri': rech kas suc' wi ri are', ri xukuje' cäk'alajisanic chi e suc' chuwäch ri quecojon che ri Jesus.

Rumal ri' man c'o ta jun winak cäk'alajisax chuwäch ri Dios chi suc' rumal rech chi u banom ri cubij ri pixab. Are c'u ri pixab xak xuwi cuk'alajisaj chkawäch chi uj ajmaquib.

Jas ri tz'ibatalic: “¡Man c'o ta jun suc'! ¡Mawi jun! Man c'o ta jun cäch'obonic, mawi c'o jachin cätzucun ri Dios. Conojel xquitas quib chrij ri Dios. Conojel xquiban chquibil quib chi man c'o ta chi qui patan. ¡Man c'o ta jachin cäbanow ri utzil! ¡Xa' ta ne jun c'olic!

Je c'u ri', cäkilo chi ri Dios cuk'alajisaj chi suc' ri winak chuwäch rumal ri cojonic, man rumal ta u banic ri cubij ri pixab.

¡Man je ta ri'! Xane' are ri Dios kastzij, pune' conojel ri winak e banal tak tzij. Jas ri tz'ibatalic: “Rech cäk'alajisax la chi ri lal suc' pa tak ri tzij la, xukuje' rech cäch'äcan la aretak cäk'at tzij pa wi' la.”