Popular Bible Verses from Aj Romab 4

Share

Man xuban ta quieb u c'u'x chrij ri bim ulok chi cäya' na rumal ri Dios, man xuya' ta can ri u cojonic. Xane' xcowir rumal ri u cojonic, xunimarisaj c'u u k'ij ri Dios. Kas reta'm chi ri Dios c'o u cuinem che u banic ronojel jas ri xubij ulok chi cuya' na che.

Jas ri tz'ibatalic: “At nu cojom che qui mam q'ui nimak tak tinimit.” Ri Dios ri cäyo'w qui c'aslemal ri cäminakib, ri xebanow ri jastak ri man e c'o ta nabe canok, are Dios wa' ri xucoj ri Abraham.

Are ri Jesus ri xjach pa ri cämical rumal rech ri ka mac, xc'astaj c'ut rumal rech ri ka k'alajisaxic chi uj suc' chic chuwäch ri Dios.

Aretak c'u man c'o ta chi eyebal c'uxaj ri Abraham xcojonic xc'oji' c'u reyebal u c'u'x, je c'u ri' xux qui mam tak ri nimak tak tinimit, jacha' ri u bim ri Dios che: “Jewa' ri cajilabal ri e awija'l.”

Jeri' ri winak ri quecojonic cäquirik na jas ri xchi'x ulok chi cäya' na chque rumal ri Dios. Xa' c'u rumal tok'ob cäquic'amo. Rech kas cäquirik na conojel ri e rija'l ri Abraham, man xuwi ta ri cäquinimaj ri pixab, xane' xukuje' ri c'o qui cojonic je jas ri u cojonic ri Abraham. Ri are' ri ka mam konojel.

Xubij c'ut ri David: “Utz quech ri xesachtaj ri quetzelal, xech'ukutaj c'u ri qui mac. ¡Utz re ri winak ri man quenatax taj ri u mac chrij rumal ri Ajawaxel!”

¿Jas c'u cubij ri Tz'ibatalic? “Ri Abraham xcojon che ri Dios, rumal ri' xk'alajisax rumal ri Dios chi suc'.”