Popular Bible Verses from Sal 91

Share

Yin kan ninbij k'a chire ri Jehová, chi ja rija' ri nutobal. Rija' kan achi'el jun jay ri sutin-rij chi tz'aq ri akuchi ninto-wi-wi'. Ja rija' nu-Dios ri kan nukuquban nuk'u'x rik'in.

Ri nikito-ki' rik'in ri nimalej rutzil ri Dios, kan kuqul k'a kik'u'x yek'oje' chuxe' ri rumujal rija'.

Rija' k'o xtuk'utuj chuwe, y yin xtink'uluba-pe ri ruch'abel. Kan xkik'oje' rik'in pa bis, Xtinkol k'a y xtinnimirisaj ruq'ij.

Ri Dios kan xkeruteq k'a pe ri ru-ángel chiqanaqaj. Xqojkichajij k'a chijun qak'aslen.

Xqojrukuch k'a rik'in ri ruxik'. Chuxe' ri' kan kuqul qak'u'x xqojk'oje'. Rija' xqojruto' y man xqojrumalij ta kan.

Jak'a roj man jun xtiqak'uluwachij roma qakuquban qak'u'x rik'in ri Jehová. Roj kan rik'in k'a rija' niqato-wi-qi'. Roma ri' kan man jun k'a ruk'ayewal xtipe chiqij. Man jun k'a nima-yabil ri xtapon pa qachoch.

Ja rija' xtijech'en qichin chuwech ri pikbel ri nuya' ri kamisanel. Xqojrukol chuwech ri nima-yabil ri kan yojruk'is.

Stape' chiqanaqaj yekamisex ta e 1,000 winaqi', y ek'o ta chik e 10,000 ri yekamisex kan pa qijkiq'a', jak'a roj kan man jun k'a xtiqak'uluwachij.

Man xtiqaxibij ta qi' chuwech ri q'equ'm richin ri chi'aq'a'. Man xtiqaxibij ta qi' chire ri ch'ab ri yek'aqalox ri paq'ij. Ni man xtiqaxibij ta qi' chire ri nima-yabil ri nuk'en-pe ri q'equ'm, ni chire ri kamik ri kan chuwa-saqil yebanatej.