Popular Bible Verses from Sal 90

Share

Tabana' utzil Jehová, tak'utu' chiqawech ri rubanik richin yojk'ase', richin keri' kan ta nipe pa qánima ri na'oj.

Jehová ri at qa-Dios roj, ri asaqil rat ja ta ri' ri xtisaqirisan pa qawi' roj. Ronojel ri samaj ri yeqaben roj kan ta xtawurtisaj-pe. Kan keri', ri samaj ri yeqaben kan ta xtiqa' chawech rat Jehová.

Taya' ri awajowabal chiqe ronojel nimaq'a', richin roj xqojbixan y xqojkikot ta ronojel q'ij chire ri qak'aslen.

Kan ja toq k'a man jani kebek'ulun-pe ri nima'q taq juyu', toq k'a man jani taben ri ruwach'ulew y ronojel ri k'o chuwech, kan jampe' ri q'ij peteneq, tibe-q'ij tibe-seq, kan xaxe wi rat ri at Dios.

Ajaw, kan ja rat ri at qatobal, keri' jantape' oj peteneq ri chi wiq chi tanaj.

Chawech rat ri 1,000 juna', xa kan man jun ok. Xa kan achi'el ok ri jun q'ij iwir ri xa xq'ax yan kan, achi'el jun ti ramaj chire ri chi'aq'a'.