Popular Bible Verses from Sal 31

Share

Kan tikitija' k'a kiq'ij ri kikuquban kik'u'x rik'in ri Jehová, y kow kek'oje'.

Pan aq'a' k'a rat k'o-wi ri nuk'aslen. Kinakolo' k'a chikiwech ri e etzelanel wichin, y ri kan chaq in kitzeqeliben.

Kan janila nim ri awutzil rat Jehová, roma kan ye'ato' ri nikiya' aq'ij-ak'ojlen. Re' kan xaben k'a kik'in ri nikito-ki' awik'in, richin nikitz'et ri ch'aqa' chik winaqi'.

Jak'a yin kan nukuquban nuk'u'x awik'in rat Jehová, roma kan ja rat at nu-Dios.

Kan awik'in k'a rat ninwewaj-wi-wi' y kan yikolotej. Roma ri nimalej abi', tak'utu' k'a chinuwech ri akuchi utz yibe-wi, y kinayuqej.

Pan aq'a' k'a rat ninjech-wi' richin yinachajij. Kinakolo' k'a roma rat at jun Dios ri man yinamalij ta kan.

Ri nikitzeqelibej ri Jehová, ruk'amon chi nikiben ri nrajo' rija'. Roma rija' kan yeruchajij k'a ri choj e beneq chuwech. Jak'a ri man nuqasaj ta ri' chuwech, kan pa ruk'iyal k'a ri rutojbalil ri nuya' pa ruwi'.

Awik'in k'a rat Jehová, nukuquban-nuk'u'x, roma ri' man taya' q'ij richin nisach nuk'u'x. Kinakolo' rik'in ri ruchojmilal ri naben rat.