Popular Bible Verses from Sal 18

Share

Jehová, rat kan at achi'el k'a jun abej ri ninwewaj-wi' chirij, achi'el jun jay ri akuchi utz ninto-wi-wi'. rat kan yinakol-wi. Kan xtinkuquba' k'a nuk'u'x awik'in. ja rat ri at nutobal yin. rat yinakol chikiwech ri e etzelanel wichin y ja rat yato'on wichin chuwech ronojel.

Ri Jehová kan choj-wi ri rubey, y ri rupixabanik kan janila ch'ajch'oj achi'el ri q'anapueq ri ya'erisan pa q'aq'. Rija' kan yeruto' k'a konojel ri nikikuquba' kik'u'x rik'in.

Kan ninnataj k'a ri abi' rat Jehová, roma kan ruk'amon richin niya'ox aq'ij-ak'ojlen. Kan yinakol k'a chikiwech ri e etzelanel wichin.

Chupan k'a ri nimalej bis ri' xich'on rik'in ri Jehová, xink'utuj utzil chire richin yiruto'. Rija' kan xirak'axaj-pe k'a ri akuchi-k'o-wi, ri nuch'owen rik'in, xapon k'a chuwech rija' y kan xrak'axaj.

Ja rat Jehová ri yasaqirisan ri nubey. Rat k'a yasaqirisan chupan ri q'equ'm.

Ja rija' ri niya'on ronojel wuchuq'a'. Kan nuk'ut k'a chinuwech ri chojilej bey.

Nimalej ruq'ij ri Jehová roma ja rija' ri tobel wichin yin. Xtinnimirisaj k'a ri nu-Dios, ri xya'on ri nukolotajik.