Popular Bible Verses from Pro 4

Share

Roma ri' rat kan jebel k'a tachajij-awi' chike ri ch'obonik ri yepe pan awánima, roma ja ri pan awánima nipe-wi ri rubanikil ri ak'aslen.

Tach'obo' k'a rij ri akuchi xtaya-wi ri axaka'l, richin keri' ronojel ri abey ri xtak'uaj, kan choj xkek'ulun chawech.

Rat kan tawelesaj-el awik'in ronojel ri ch'abel ri xa nuyek oyowal, kan man ke'el-pe pan achi' ri ch'abel richin etzelal.

Ri na'oj kan jari' k'a ri más utz chire ronojel, roma ri' kan katok k'a aj-na'oj, roma chire ronojel ri nawajo' nawil-q'anej, kan katok-q'anej jun wineq ri yach'obon jebel

Ri kibey ri chojmilej taq winaqi', kan junan rik'in ri nabey saqil ri niq'alajin-pe ri nimaq'a', nabey xa juba' ok ri saqil y napon k'a ri ramaj toq ri saqil kan jebel niberubana-pe. Jak'a ri kibey k'a ri winaqi' aj-maki', kan q'equ'm-q'equ'm k'a y roma ri' kan man xtiketamaj ta ri akuchi xketzaq-wi roma nikipajk'ij-kaqen.

Kan man k'a taya-tamestaj kan ri na'oj y kan xtok chajinel awichin, kan taloq'oq'ej k'a y kan xkarukol k'a chuqa'.

Kan tachapa' k'a jebel re tijonik re ninya' chawe, man taya' q'ij chi nibe chawech, kan tayakakej jebel roma kan jare' ri ak'aslen.

Man tachop-el ri kibinibal ri winaqi' aj-maki', man tatzeqelibej-el ri kibey ri winaqi' itzel kibanobal.

Kan jebel k'a tiya' ixikin rix alk'ualaxela' alaboni', chire ri tijonik richin ri itata'. Kan tiya' k'a ixikin y xtiwil-q'anej ri jebel ch'obonik.