Popular Bible Verses from Pro 29

Share

Roma ri' ri xibinri'il ri nikiya' ri achi'a', xa jun tzaqibel richin ri wineq; jak'a ri wineq ri kan nukuquba' ruk'u'x rik'in ri Jehová, kan k'o uxlanen, pa ránima.

Toq kan e maneq achi'a' yech'abalin ri nuq'alajirisaj ri Dios, ri winaqi' richin jun tinamit xa maneq rubeyal ri kik'aslen; jak'a ri wineq ri kan nutaqej ri rupixa' ri Dios, kan jebel k'a ruwa-ruq'ij.

Ri wineq ri maneq runa'oj, toq k'o royowal, kan jumul niberuq'alajirisaj-pe; jak'a ri wineq ri k'o runa'oj kan nuq'et-ri'.

Toq nukusex xik'a'y y nukusex ch'olinik chirij jun ak'ual, nuben chire chi nik'oje-q'anej runa'oj; jak'a ri alk'ualaxel ri janila niloq'oq'ex, xa xtuya' ruk'ix ri rute'.

Toq ri awalk'ual ala' man nuben ta ri utz, tach'eya', richin chi ri chawech-apo rik'in uxlanen xkak'ase'; y re' kan xtuk'en k'a pe kikoten chawe chupan ri ak'aslen.

Ri wineq ri nunimirisaj-ri', jari' ri xtibanon chire chi nibe pa xulan, jak'a ri wineq ri xa maneq ok ruq'ij nuna' ri pa ránima, jari' ri xtibanon chire chi xtinimirisex ruq'ij.

Ri wineq ri kan niyakatej royowal, xa nuyek oyowal chikikojol ri winaqi'; ri kan janila kow taq ch'abel ri yerubila' roma royowal jantape' nimakun.

Rat atz'eton jun wineq, ri chi'anin yerubila-q'anej tzij ri xa man e ruch'obon ta; achi'el xa más nich'obon ri maneq runa'oj, ke chuwech ri jun wineq ri'.