Popular Bible Verses from Pro 28

Share

Ri man yeruq'alajirisaj ta ri itzel taq rubanobal ri yeruben, xa ronojel itzel ye'el chuwech; jak'a ri yeruq'alajirisaj y nuya' kan rubanik, kan xtril kuyubel rumak.

Ri wineq kan nuk'ut k'a chi man jun ok retaman, toq ruyon rija' nuben chi k'o ruq'ij; jak'a ri wineq ri kan k'o-wi na'oj rik'in, kan man niqaqa ta chupan ri na'oj ri'.

Ri wineq itzel xa nixibiyaj y jantape' tzeqeliben nuna', jak'a ri chojmilej wineq, kan achi'el jun koj ri xa man jun xibinri'il chuwech.

Kan jebel k'a ruwa-ruq'ij ri wineq, ri kan jantape' k'o rukiy ri Dios chuwech; jak'a ri kan rukowirisan ránima chuwech ri Dios, xa xtitzaq pa mak.

Kan man jun k'a ri xtibek'atzin-pe chire ri wineq, toq kan k'o ri nuya' chike ri winaqi' ri man jun k'o kik'in; jak'a ri wineq ri nim nuna-ri' y xa man yeruto' ta, k'iy ruk'ayewal ri xtiqaqa pa ruwi'.

Ri wineq ri nibin chire jun chik chi tuchojmirisaj ri rubanobal, xtimatioxix chire toq k'iy yan q'ij tiq'ax, kan janila xtimatioxix chire, más ke chuwech xa ta xunimirisaj ruq'ij.