Popular Bible Verses from Pro 26

Share

Toq ri wineq ri xa maneq runa'oj, k'o ch'abel ri yerubila' chawe, rat kan man taben chuqa' keri', man xa tibek'ulun-pe chi rat at junan rik'in rija'. Y toq ri wineq ri' k'o nrajo' nuk'utuj chawe, kan taq'alajirisaj k'a chuwech, roma wi xa man jun yatikir nabij chire, nuch'ob chi rija' xa más runa'oj chawech rat.

Ri wineq ri xa maneq runa'oj, ri nitzolin chik chubanik ri itzel taq banobel, kan junan rik'in ri tz'i' toq nitzolin ri akuchi xxa'a' wi kan, richin niberutija' chik pe ri ruxa'on kan.

Toq ri si' xa nik'is-qa, ri q'aq' xa nichup-qa; keri' nibanatej toq e maneq ye'ukusan y ye'elesan tzij, ri oyowal xa nik'is-qa.

Kan qitzij k'a ri nubij ri tzij: Wi nak'ot jun jul richin pikbel, xa ja rat ri xkatzaq-qa chupan nabey; y ri wineq ri nuk'ot ruxe' jun abej, xa xtibepiskolitej-pe chirij.

Xa más k'a nichojmir na jun wineq ri xa maneq runa'oj ke chuwech jun wineq ri nubij chi k'o na'oj rik'in.

Achi'el jun wineq ri nuchop chi ruxikin jun tz'i', ri niq'ax-el keri'; keri' ri wineq ri nuju-apo-ri' pa jun oyowal y xa man rik'in ta rija' ri oyowal ri'.