Popular Bible Verses from Pro 10

Share

Ri urtisanik richin ri Dios, kan nuk'en-pe beyomel chike ri winaqi'; y ri winaqi' xa man rik'in ta k'a tijoj-poqonal toq nikiq'i-q'anej ri'.

Toq kan janila k'iy ch'owen niban, kan yebitej chuqa' ri man ruk'amon ta, jak'a ri kan nitikir nuq'et-ri', kan k'o-wi runa'oj.

Ri etzelanik k'iy ruwech oyowal yeruyek-pe. Jak'a ri ajowabel nitikir nukuy ronojel ruwech mak.

Ri kan man yeruya' ta ri ruq'a-raqen pa samaj, xa meba'il nuk'en-pe chire; jak'a ri ruq'a-raqen ri samajel, kan nikik'en-pe beyomel chire.

Kan bey k'a richin k'aslen ruk'uan ri wineq ri kan nuben ri pixa' ri k'utun chuwech, jak'a ri xa man niqa' ta chuwech ri ch'olinik, xa xtisach rik'in ri ruk'aslen.

Ri wineq ri kan choj yerubanala', kan kuqul k'a ruk'u'x neleyaj. jak'a ri xa nuchop yerubanala' itzel taq banobel, kan xtibek'is chupan ri itzel ri yerubanala'.

Ri wineq ri k'o rukiy ri Dios chuwech, nukochij más q'ij ruk'aslen, jak'a ri e banoy richin ri etzelal, ri Dios xa nuqupij chi'anin ri kijuna' chuwech re ruwach'ulew.

Ri Jehová kan man nuya' ta q'ij chi ri choj ruk'aslen nutej wayjal, jak'a ri aj-maki' kan man nuya' ta chike ri janila nikajo'.

Roma ri' toq nipe ruk'ayewal chirij ri banoy etzelal, jari' ri nuk'uan-el richin, jak'a ri wineq ri choj ruk'aslen, kan ja ri Dios ri kow nichapo richin.