Popular Bible Verses from Deut 6

Share

Kan tiwajo' k'a ri Jehová ri qa-Dios rik'in ronojel iwánima y rik'in ronojel ik'u'x, chupan chijun ri ik'aslen.

y kan tikamuluj chike ri iwalk'ual y kan ke'itijoj k'a jantape', pa taq iwachoch, pa taq bey, toq yixkotz'e-qa y toq yixyakatej-el.

Kan tiya' k'a pan iwánima ronojel ri ch'abel ri xinbij chiwe wakami

Tiwak'axaj k'a rix nuwinaq: Ri Jehová ri qa-Dios kan xaxe rija' ri k'o, y man jun chik achi'el rija'.

Kan tixima' chirij ri iq'a' re ruchojmilal re' y keri' chuqa' tixima-el nik'aj iwech richin jun retal.

Y kan titz'ibaj k'a chuwech ri che' richin ri ruchi' taq iwachoch.

Kan tiya' k'a ruq'ij ri Jehová ri qa-Dios y kan tisamajij xaxe rija'. Toq rix niya' itzij, tibana' kan xaxe pa rubi' rija'.

Toq ri Jehová ri qa-Dios, xtuya' ri ruwach'ulew ri rujikiban kan chike ri qati't-qamama' Abraham, ri Isaac y ri Jacob, y ri xujikiba' chi nuya' chiwe jun nimalej ruwach'ulew ri ek'o jebel taq tinamit chupan ri man rix ta ix yakayon-q'anej. Xujikiba' chuqa' chi ri iwachoch nojineq rik'in beyomel ri man rix ta ix samajiyon, y ek'o pozo ri man rix ta ix k'otoyon, ek'o uva y olivo ri man rix ta ix tikiyon. Toq jebel chik ix wayneq man timestaj k'a ri Jehová ri xixelesan-pe pa ruwach'ulew Egipto, ri akuchi xixxime' pa samaj.

Ja ronojel pixa' re' ri xuya' ri Jehová ri qa-Dios chuwe, richin xixintijoj, richin jari' ri nitaqej chupan ri ruwach'ulew ri xkixapon-wi ri kan xtok iwichin. Tinimaj k'a ronojel ri pixa' ri ninbij chiwe rix, chike ri iwalk'ual y ri iwiy-imam richin chi niya' ruq'ij ri Jehová ri qa-Dios, y keri' k'iy k'a juna' xkixk'ase' chuwech re ruwach'ulew.

Tibana' k'a ronojel pa ruchojmilal chuwech ri Jehová ri qa-Dios y kan utz k'a xkixbe, richin keri' kan ronojel k'a utz xtel chiwech toq xkixok-apo chupan ri ruwach'ulew ri rusujun y rujikiban chi nuya' chike ri qati't-qamama'.

roma ri Jehová ri qa-Dios ri k'o iwik'in rix, kan jun Dios ri kan man jun chik achi'el rija' y kan k'o chi'ikojol. Roma ri' man tiyek royowal, roma wi xtiyek royowal, kan xkixruk'is chuwech re ruwach'ulew.

Man ke'itzeqelibej ch'aqa' chik dios ri nikiya' kiq'ij ri ch'aqa' chik tinamit ri ek'o-pe chi'inaqaj

Y man titejtobej ri Jehová ri qa-Dios, achi'el xiben chire pa Masá.