Popular Bible Verses from Deut 5

Share

Tiya' kiq'ij ri ite-itata', richin k'iy k'a juna' xkixk'ase-el y utz xkixbe chuwech re ruwach'ulew ri ninya' yin Jehová ri i-Dios chiwe.

Kan xtitzeqelibej k'a ri bey ri xuk'ut ri Jehová ri qa-Dios chiqawech, richin chi utz k'a xkixbe y kan k'iy juna' xkixk'ase' chuwech ri ruwach'ulew ri xtiberuya' rija' chiwe.

Man k'a kixxuke' chikiwech rije', ni man tiya' kiq'ij, roma ja yin Jehová ri i-Dios ri kan man niqa' ta chinuwech richin niya' ruq'ij jun chik. Y wi k'o ta jun ri nibanon keri' xtinwetzelaj y xtiqaqa ri woyowal pa ruwi', y pa kiwi' ri rijatzul k'a pa rukaj sol. Jak'a ri ye'ajowan wichin y nikitaqej ri nupixa' kan xtinjoyowaj k'a kiwech y chuqa' konojel ri kijatzul.

Man tiben kiwachibel ri ek'o chuwech ri kaj, ni ri ek'o chuwech re ruwach'ulew, ni ri ek'o chupan ri palou. Man jun k'a wachibel tiben richin niya' kiq'ij.

Man kek'oje' k'a ch'aqa' chik i-dios richin niya' kiq'ij.

Man chaq tinatala' ri nubi' yin Jehová ri i-Dios ri man jun achike ta roma, roma wi keri' xtiben kan xtinya' rutojbalil-mak pan iwi'.

K'ate' ta kere' k'o pa taq kánima ronojel mul, kan nikiya' ta nuq'ij y chuqa' kan nikitaqej ta ronojel ri nupixa', richin keri' rije' y ri kalk'ual kan jantape' ta utz xtel ronojel chikiwech.

Kan tiya' k'a rejqalen ri q'ij richin uxlanen, y kan ruk'amon chi nich'er chuwe yin, achi'el k'a ri xinbij yin Jehová ri i-Dios.

Man tirayij chi iwik'in ta rix k'o-wi ri k'o kik'in ri iwachpochel; man tirayij kiwech ri kixjayilal, ni ri kisamajela' ri e yuqul pa samaj kik'in, ni ri kaj-ik'a', ni ri kibóyix, ni ri kibur, ni man jun chike ri e kichin ri iwachpochel tirayij, xcha' ri Jehová.

Rix ri ix k'ulan, man tikanoj jun chik, y rix achi'a' man kixk'oje' rik'in ri rixjayil ri iwachpochel.

Man tibananej chi kan ja ri qitzij niq'alajirisaj chirij ri iwachpochel y xa man keri' ta.

Man tiben k'a kamik.

Man kixeleq'.

Toqaqa k'a chi'ik'u'x toq xixxime' pa samaj pan Egipto, y yin Jehová ri in i-Dios rik'in k'a wuchuq'a' xixinwelesaj-pe, y roma ri xinben iwik'in, roma ri' k'o chi nichajij ri q'ij richin uxlanen.

Waqi' q'ij k'a xkixsamej y xtiben ronojel ri isamaj rix; y jak'a ri ruwuq q'ij, jun q'ij richin uxlanen y kan ruk'amon chi nich'er chuwe yin Jehová ri i-Dios. Kan man jun k'a samaj xtiben chupan ri q'ij ri': Ni rix, ni ri ik'ajol, ni ri imi'al, ni ri isamajela' ri e yuqul pa samaj iwik'in, ni ri iwaj-ik'a', ni ri ibóyix, ni ri ibur, ni man jun chike ri iwawej, ni ri man iwinaq ta ri ek'o iwik'in; richin chi ri isamajela' chi achi'a' chi ixoqi' ye'uxlan chuqa' achi'el rix.

Ja yin Jehová ri i-Dios, ri xinelesan-pe iwichin ri chiri' pan Egipto, akuchi xixyuqe-wi pa samaj.