Popular Bible Verses from Deut 4

Share

Jak'a wi rix kan nikanoj ri Jehová ri qa-Dios rik'in ronojel ri iwánima y rik'in ronojel ik'u'x, kan xtiwil.

man xkixrumalij ta kan, ni man xkixruk'is ta el chuwech re ruwach'ulew, ni chuqa' man xtumestaj ta ri jikibel-tzij ri xuben kik'in ri qati't-qamama', roma rija' kan jun Dios joyowanel.

Ri Jehová ri qa-Dios kan man niqa' ta chuwech chi k'o ta jun chik niya' ruq'ij, roma ri royowal rija' achi'el q'aq' ri nuk'is ronojel.

Roma ri' tichajij k'a iwi', y tik'oje' k'a chi'ik'u'x, richin man nimestaj ta ri xe'itz'et rik'in ri runaq' taq iwech, chuqa' man tel pan iwánima ronojel q'ij chire ri ik'aslen; kan xtik'ut k'a chikiwech ri iwalk'ual y ri kalk'ual rije'.

Roma ri' tiwetamaj y tik'oje' chi'ik'u'x chi ri Jehová kan ja rija' ri rajaw ri kaj y ri ruwach'ulew, y kan man jun chik achi'el rija'.

Roma ¿k'o kami jun tzobaj winaqi' richin jun nimalej ruwach'ulew, ri k'o ta ki-dios chikinaqaj rije', achi'el rubanon ri Jehová ri qa-Dios qik'in roj, ri kan yojruto' toq k'o niqak'utuj chire?

Toq xkixk'oje' pa bis y toq xtipe pan iwi' ronojel re', y wi ri pa taq ruk'isibel q'ij xtitzolej-pe ik'u'x rik'in ri Jehová ri qa-Dios y kan xtiben ri nrajo' rija'

Man tiya' ni man tiwelesaj ruwi' ri pixa' ri ninbij chiwe, kan titaqej k'a ri nubij ri Jehová ri qa-Dios re ninya' chiwe wakami.