Popular Bible Verses from 2 Rey 6

Share

K'ari' ri Eliseo xch'on rik'in ri Dios y xubij: Tabana' utzil Jehová, tajaqa' ri runaq'-ruwech ri nusamajel richin yerutz'et ri aj-labal ri ataqon-pe rat, xcha'. K'ari' ri Jehová xuben chire ri samajel richin xjaqatej ri runaq'-ruwech. Y xutz'et k'a chi ri juyu' e nojineq chi aj-labal ri yech'oke' chirij kiej y ri e beneq pa carruaje rik'in q'aq', ri kisutin-rij ri tinamit.

Y ri Eliseo xubij chire: Man taxibij-awi', roma más e k'iy ri ek'o qik'in roj ke ri ek'o kik'in rije', xcha'.

Ri ruka'n q'ij, nimaq'a' yan, xyakatej ri nilin richin ri Eliseo; y jari' toq xerutz'et ri aj-labal aj-Siria kisutin-rij ri tinamit, kik'uan-el achi'a' ri e ch'okol chikij kiej y ri e beneq pa carruaje. K'ari' ri samajel xubij: ¡Wajaw, wakami achike niqaben!, xcha'.

Y toq ri aj-Siria xexule-qa richin nibekichapa' oyowal, ri Eliseo xch'on chik rik'in ri Jehová, y xubij: Nink'utuj utzil chawe chi ke'amoyirisaj re winaqi' re', xcha'. Y ri Jehová kan xerumoyirisaj k'a achi'el xuk'utuj ri Eliseo.

Y ri Eliseo xuk'utuj chire akuchi xapon-wi. Y xuk'ut k'a chuwech. K'ari' ri Eliseo xujoq' jun xik'a'y, y xuya-qa akuchi xtzaq-wi-qa ri ruwi' ikej; y kan xberutelej k'a pe ya' ri ruwi' ri ikej ri'.

Y jun k'a chike rije', toq najin nroqij ri che', chaq k'ate' xtzaq-el ri ruwi' ri ikej chuwech, y xapon k'a pa ya'. Y xsik'in y xubij chire ri Eliseo: Wajaw yin, re ruwi' re ikej xtz'oqotz'o-el, y xa nuqajon-pe, xcha'.

K'ari' ri Eliseo xubij chi tuk'ama-apo, y ri q'alajirisey ruch'abel ri Dios xuk'en-apo.