Popular Bible Verses from 2 Rey 5

Share

K'o k'a jun achin aj-raqen pa kiwi' ri aj-labal richin ri ruwach'ulew Siria. Y ri achin ri' rubini'an Naamán; rija' janila nim ruq'ij chuwech ri rey richin Siria, y kan ruya'on pa nabey chikiwech ri ch'aqa' chik aj-raqen. Ri Naamán kan maneq xibinri'il chuwech, y kan xukusex k'a roma ri Jehová richin xukol ri Siria. Jak'a rija' xa k'o jun yabil chirij ri kan nutaluj-ri'.

K'ari' ri Eliseo xuteq-pe ri rusamajel rik'in ri Naamán y xubij-el chire: Kabiyin pa raqen-ya' Jordán y tabech'aja-awi' wuqu' mul chupan ri ya' ri'; y ri ach'akul kan xtich'ajch'ojir, xcha-el.

K'ari' xbe ri Naamán, y xuch'ej-ri' wuqu' mul chupan ri raqen ya' Jordán, achi'el xubij-el ri rusamajel ri Dios chire. Y ri ruch'akul xch'ajch'ojir, y kan achi'el ruch'akul jun ak'ual xuben kan.

Jak'a ri Naamán xa xyakatej janila royowal y xtzolej kik'in ri rusamajela', y xubij: Yin kan xinch'ob-qa pa wánima chi ri achin ri' xtel-pe chi nuk'ulik, y keri' pa'el xtich'on rik'in ri Jehová ri ru-Dios, xtutzeqej k'a ri ruq'a' y xtuya' akuchi k'o-wi ri ch'a'k, y keri' chi'anin xkik'achoj-el.

Jak'a ri rusamajela' ri Naamán xebe-apo rik'in y xkibij chire: Qajaw roj, wi ta ri q'alajirisey ruch'abel ri Dios nubij ta chawe chi tabana' jun samaj ri janila k'ayew, rat kan ta xaben. Jak'a re wakami, xaxe xubij chawe chi kabetatin chupan ri raqen-ya' Jordán, y xkak'achoj, xecha'.

Y k'o k'a jun q'ij re xten re' xubij chire ri rajaw: Wi ta ri Naamán nuk'utuj ta utzil chire ri q'alajirisey ruch'abel ri Dios ri k'o chila' pa ruwach'ulew Samaria, rija' xtuk'achojirisaj chire ri ruyabil, xcha'.