Popular Bible Verses from 2 Rey 4

Share

Y ri Eliseo xubij chire: ¿Achike ta k'a xtinben yin richin yatinto'? Tabij k'a chuwe achike k'o awik'in pan awachoch, xcha'. Y ri ixoq xubij chi kan man jun chik k'o rik'in, xaxe chik ti juba' aceite ri k'o pa bojo'y.

K'o k'a jun q'ij jun ixoq rixjayil kan jun chike ri q'alajirisey ruch'abel ri Dios, xapon rik'in ri Eliseo y xubij chire: Ri wachijil xken yan; y rat awetaman chi rija' kan xutzeqelibej ri Jehová. Y wakami ri achin ri akuchi k'o-wi kan ri ruk'as peteneq richin yeruk'uaj-el re e ka'i' wal richin yeyuqe' pa samaj rik'in, xcha'.

Y ri Eliseo xubij: Kabiyin y tabeqaja' bojo'y ri man jun k'o chupan. Tabeqaja' kik'in ri awachk'uljay, y kan k'iy k'a bojo'y taqaja'.

Y k'ari' katok k'a apo pan awachoch, y tatz'apej-awi' pa jay; rat y ri awal. Y taq'eja-qa aceite chupan ri bojo'y ri e aqajon. Y toq ninoj jun bojo'y, tajech'ej kan juk'an, y keri' naben chire ronojel, xcha'.

Toq ronojel bojo'y e nojineq chik, xubij chire jun chike ri ral: Tak'ama-pe jun chik bojo'y chuwe, xcha'. Y ri ral xubij chi maneq chik bojo'y. Y kan jari' toq xtane' chi nibiyin ri aceite.

Ri ixoq xberutzijoj k'a chire ri Eliseo, y ri Eliseo xubij chire: Kabiyin y tak'ayij ri aceite richin natoj ri k'as. Rat y ri e ka'i' awal xtiq'axaj iwi' rik'in ri aceite ri xkolotej kan, xcha'.

Y xbe k'a ri ixoq, y xutz'apej k'ari' pa jay; rija' y ri ral. Y rije' nikiq'axaj k'a apo ri bojo'y chire, y rija' kan nuq'ej-qa ri aceite chupan.

K'ari' xjote-q'anej pa ch'at y xjupe-qa pa ruwi' ri ak'ual. Xuya' ri ruchi' pa ruwi' ri ruchi' ri ak'ual, y ri runaq'-ruwech pa ruwi' ri runaq'-ruwech, y ri ruq'a' xuya' pa ruwi' ri ruq'a'; y keri' xjupe-qa pa ruwi'. K'ari' ri ruch'akul ri ak'ual xbemeq'e-pe.