Popular Bible Verses from Heb 13

Share

Ena'te auepichiya'a jaga'me laicaua, dite da'me anetoñetapec da'me uo'oe jo'ne mach'e adoqochidi', qa'a 'uo da'me 'laqatac ñe'me Dios, eet'oi: “Da'me jayem yataqata ja am 'te jeca'e, uotaĝa ta'le am jeguem.”

Jesucristo nach'e eta't da'me 'uo, chiyoqotelegue da'me 'uaechiñe chayovida'a nayi, nataq'aen nach'e eta't da'me ja pal.

Chane'eja male yataqata qaya'te qadoqolanaĝa da'me jenaqaac: “Nach'eñe ñe'me Jaliaĝanec jo'ne jayem lecochiya, Qama'le qaya'te jo'oyapega nayi. ¿Jach'e ga'me yaqanatet ga'me jiyaĝaua ta'le jayem 'yetec?”

Nach'e ena'am ena'te aĝañiñi da'me auauoyi da'me 'noota, nataq'aen da'me anecolaĝachiyalo gaa'me adaqayadi' ga'me youetedaque, qa'a nach'eda da'me qadajaqajec jo'ne 'yamaqaten joñe'me Dios.

Chane'eja nach'e eta't da'me 'ñonaĝataĝaye ñe'me Dios, da'me jenaq chiyaqayi ñe'me Jesucristo jenjo' qadi'yoĝodenataĝanaĝac jo'ne ena'am ta'le qadajaqajec da'me janemaĝam, qa'a nach'edaua daa'me qat'aqataqa mach'e qadajaqajec, nale jechoĝotaq da'me naqaeñe mach'e Qadejaliaĝanec.

Nach'e ena'am da'me ademiya'a da'me aviyamaĝachetac da'me adouayaĝaqui, nataq'aen jogaa'me nooua' youen da'me nach'e eta't da'me niyamaĝatela'ajalo da'me mach'e 'lonáĝa'j, qa'a ñe'me Dios ya'uo qomle ga'me ne'uaĝanague'j jogaa'me quejeguetaĝayaqa choqogaa'me jo'ne leua'u gaa'me ja loua'.

Nataq'aen ena'te aĝañiñi da'me auauoyi ga'me 'lochaqa' joga'me ami yovida'alo, qa'a uo'oe jogaa'me jo'ne naq'aeta da'me yauote ca'li, qama'le ja yayate'n da'me nach'egaua gaa'me piyem laje' jo'ne ue'tajopa.

Joñe'me Dios jo'ne qo'mi yanema da'me 'nemaĝac, qa'a nach'eñe 'me 'niyelaĝachijeguem ñe'me Jesús da'me en chiyaqauelo dia'me napa'lpi, joñe'me Jesús jo'ne 'naĝanaĝate 'nouatoqo't 'me p'ajaye, ñe'me mach'e Qadejaliaĝanec jo'ne joote yomat da'me niyamaqataĝanaĝac jo'ne qaya'te loiquiaqa', yajouaĝat da'me qoyen naliñi jaga'me letauo'. Joñe'me Dios en ami yataqatelo'te q'ae'n, qaedi oqui'tegue da'me jo'ne mach'e lelnataĝac joñe'me, qama'le qo'mi ee'teque da'me jo'ne mach'e 'lamaqatenataĝanaĝac, da'me jo'ne chiyaqayi joñe'me Jesucristo, qaedi nach'eñe joñe'me jo'ne 'uo da'me 'lonaĝa jo'ne ja yitaĝa ta'le pal. Jaja'a, nach'e naq'aeta da'me dojo'.