Popular Bible Verses from San Matteo 24

Share

E për moutiv chë l’ingiustissa a sarà multiplicà, la carità dë diversi a sarà arfreidà. Ma chi avrà tënù boun fin a la fin, coul lì a sarà salv.

E coust evangeli dël regno a sarà predicà ën tutta la terra abitabil, për servi dë testimouniansa a tutte le nassioun; e anloura la fin a venërà.

E i sentirì dë guerre e dë vouss dë guerre; ma pie guarda dë nen essi‐ne sbaruà: Përché a bësogna chë tutte ste cose arrivou; ma a sarà ëncoura nen la fin.

Përché una nassioun a së levërà countra un’autra nassioun, e un regno countra un aut regno; e a i sarà dë famine, e dë pest, e dë terremot ën diversi pais. Ma tutte ste cose a saran mac un prinsipi dë doulour.

’L ciel e la terra a passëran; ma mie parole a passëran nen.

Përché diversi a venëran a mè nom, disand: I soun mi ’l Crist; e a n’a inganëran pi d’un.

Anloura a vë counsëgnëran për essi afflitt, e a vë massëran: e i sarì in odio a tutte le nassioun, për causa dë mè nom. E anloura diversi a saran scandalisà, e a së tradiran l’un l’aut, e a së vourran mal l’un l’aut. E a së levëran diversi faus proufeta, ch’a n’a inganëran pi d’un.

E Gesu rëspoundand, a i dis: Pie guarda chë nëssun a v’ingana.

Ën counseguensa voui dëcò tëni‐ve prount; përché ’l Fieul dë l’om a venërà a l’oura ch’i pensërì nen.

Vigile dounque; përché i savi nen a che oura Nossëgnour a dev vëni.

Oura in quant a coul dì lì, e a coul’oura, a i è nëssun ch’a lou sappia; gnanca i angel dël ciel, ma mè Pare soul.

Përché a së levëran dë faus crist e dë faus proufeta, ch’a faran dë cose stupende e dë miracoul, dë manera a ingané fin ai elett, s’a fussa poussibil.

Ma coum a l era dël temp dë Noe, a n’a sarà l’istess quand ’l Fieul dë l’om a venërà. Përché coum a i temp prima dël diluvi i omini a mangiavou e bëviou, a së maridavou, e dasiou ën matrimoni, fin al dì chë Noe a l è ëntrà ënt l’arca; E a l han nen counoussù chë ’l diluvi a venëria, fin a tant ch’a l è vënù, e a l ha tutti pourtà‐ie via; a n’a sarà l’istess dë la vënùa dël Fieul dë l’om.