Popular Bible Verses from San Luca 9

Share

E peui a disia a tutti: Së queicadun a veul vëni‐me apress, ch’a rinounsia a se stess; ch’ogni dì a së butta ados soua crouss, e ch’a më seguita.

Përché chiounque a vourrà salvé soua vita, al la përdrà; ma chiounque a përdrà soua vita për amour dë mi, al la salvërà.

Ma Gesu a i ha rispost: Chiounque a da man a la sëloira, e a guarda ën darè, a l è nen boun për ’l regno d’Iddiou.

E a cosa servë‐lou a un om dë guadagné tut ’l mound, s’a së dësfa, e së perd chiel istess?

Përché chiounque a l avrà avù ounta dë mi e dë mie parole, ’l Fieul dë l’om a l avrà ounta dë chiel, quand a venërà ënt soua gloria, e dël Pare e d’i sant angel.

Ma Gesu a i ha rispost: Le voulp a l han dë tane, e i ousei dël ciel a l han dë ni; ma ’l Fieul dë l’om a l ha gnanca doua ripousé soua testa.

E peui a l ha di‐ie: Chiounque a ricevrà sta masëna a mè nom, a më ricev; e chiounque më ricevrà, a ricev coul ch’a l ha mandà‐me; përché coul ch’a l è ’l pi pëcit fra tutti voui aiti, a l è coul ch’a sarà grand.