Popular Bible Verses from San Luca 8

Share

Ma lon ch’a l è toumbà ënt una bouna terra, a l è coui i quai, avend senti la parola, a së la tenou ënt un cœur ounest e boun, e a porta dë frut coun passiensa.

E lon ch’a l è toumbà fra le spine, a l è coui i quai avend senti la parola, e essend‐sëne andait, a soun stent da i crussi, da le richesse, e da i piasi dë sta vita; e a portou panen dë fruta ch’a sia madura.

E coui ch’a l han ricevù la sëmens ënt un teren ch’a i è dë pere, a l è coui i quai, avend senti la parola, a l’han ricevù‐la coun piasi; ma a l han panen dë radis; a crëdou për un temp; ma al temp dë la tentassioun, a së ritirou.

Anloura a l ha di‐ie: Douv’è‐la vostra fede? E lour aiti, pien dë timour e d’amirassioun, a disiou tra lour: Ma chi è‐lou coust‐ssi, ch’a coumanda fin ai vent e a l’acqua, e a i ubbidissou?

E coui ch’a l han ricevù la sëmens al loung dë la stra, a l è coui ch’a scoutou la parola, ma inseguit a ven ’l demoni, ’l qual a i leva la parola da i so cœur, dë paura chë ën crëdand a siou salvà.

Për moutiv ch’a i è gnun segret ch’a në sia dëscuvert, e për strëmà ch’a sia una cosa, a ven a essi counoussùa, e al ciair.

Anloura la foumna vëdand chë lolì a l era nen stà‐ie strëmà, a l è vënùa tutta tramoulant, e campand‐se ai so pè, a l ha diciarà‐ie ën prësensa dë tut ’l popoul për qual moutiv a l’avia toucà‐lou, e coum a l era staita guaria dal moument. E chiel a l ha di‐ie: Fia, fa‐te animo, toua fede a l ha guari‐te: Vatë‐ne ën pass.

Anloura a soun vënù da chiel, e a l’han dësvià‐lou, disand: Padroun! padroun! i souma pers. Ma chiel, essend‐se lëvà, a l ha parlà da padroun al vent e a le acque; e a soun apasià‐sse, e la calma a l è tournà vëni.