Popular Bible Verses from San Luca 6

Share

De, e a ve sarà dait; e a vë daran ënt ’l sen bouna mësura, coun la coumoulura fin ch’a versa, përché dë la mësura ch’i mësurërì, i sarì mësurà dëcò voui.

L’ounest om a tira dë boune cose dal boun tesor dë so cœur; e l’om gram a tira dë cattive cose dal cattiv tesor dë so cœur; përché ch’a l è dë l’ abboundansa dël cœur chë la bouca a parla.

Ma voui, voule‐ie bin ai vostri nemis, e fe dë bin e prëste sensa speré‐ne niente, e vostra mercede a sarà granda, e i sarì i fieui dël Souvran; përché a fa dë bin fin ai ingrat e ai gram.

Use dounque dë misericordia, coum vost Pare a usa dë misericordia.

E giudiche nen, e i sarì nen giudicà; coundane nen, e i sarì nen coundanà; fe quitansa, e a vë sarà fait quitansa.

Ma a voui chi më scoute, i vë diou: Voule‐ie bin ai vostri nemis; fe dë bin a coui ch’a vë veulou mal. De dë benedissioun a coui ch’a vë maledissou, e preghe për coui ch’a vë fan tort.

E coum i veuli ch’i omini a vë fassou, fe‐ie a lour dëcò l’istess.

E a coul ch’a të da sù una massëla, sporz‐ie dëcò l’autra; e së queicadun a të leva to mantel, impedissë‐lou nen dë pié dëcò ’l courpet. E a tut om ch’a të ciama, da‐ie; e a coul ch’a të leva lon ch’a l è tò, ripetë‐lou pi nen.

Certament, un erbou a l è nen boun, ch’a porta cattiva fruta; nè un erbou a l è nen cattiv, ch’a porta dë bouna fruta.

E ogni erbou a së counos da so frut; infatti, i fig a së cheuiou nen sù i bossou, e a së vendumia nen le ue sù i bussoun.