Popular Bible Verses from San Giouan 16

Share

I l hai di‐ve ste cose për ch’i abbie la pass ënt mi; i avrì dë tribulassioun al mound, ma fe‐ve animo, i heu guadagnà ’l mound.

Ma quand coul là, l’Spirit dë verità, a sarà vënù, a vë menërà ën tutta verità; përché a parlërà nen dë se istess, ma a dirà tut lon ch’a l avrà senti, e a v’announsiërà le cose ch’a soun da vëni.

Fin adess i avi ëncoura ciamà niente a mè nom; ciame, e i ricëvrì, për chë vostra goi a sia perfetta.

I vë diou però la verità; a l è vost proufit ch’i më n’a vadou; përché s’i vad nen via, ’l counsoulatour a venërà nen da voui; ma s’i vad via, i vë lou mandëreu. E quand a sarà vënù, a darà testassioun al mound dë pëcà, dë giustissia, e dë giudissi.

I avi dëcò adess dë ciagrin, ma i vë tournëreu vëdi, e vost cœur a s’arlegrërà, e nëssun a vë levërà vostra goi. Ënt coul dì là i më ciamërì dë niente. In verità, in verità i vë diou, chë tutte le cose ch’i ciamërì al Pare a mè nom, a vë le darà.

In verità, in verità i vë diou, ch’i piourërì e vë lamentërì, e ’l mound a s’arlegrërà. I sarì, i lou tournou di, ciagrin; ma vost ciagrin a sarà cambià in allegria.