Popular Bible Verses from San Giouan 15

Share

I soun la viss, e voui i n’a si i mei; coul ch’a sta ënt mi, e mi ënt chiel, a porta moutouben dë frut; përché fora da mi, i peuli nen frutté.

Ste ënt mi, e mi ënt voui; coum ’l mel a peul nen da chiel istess pourté dë frut, s’a resta nen tacà a la viss, voui dëcò, s’i ste nen tacà ënt mi.

S’i ste ënt mi, e chë mie parole a stagou ënt voui, ciame tut lon ch’i veuli, e a vë sarà fait.

A l è nen voui ch’i m’avi elett mi, ma a l è mi ch’i v’hai elett voui, e ch’i l hai stabili‐ve, për ch’i vade e ch’i frutte, e chë vost frut a staga; për ch’ogni cosa ch’i ciamërì al Pare a mè nom, a vë la daga.

Nëssun a l ha un pi gran amour chë coust‐ssi; quand queicadun a espoun soua vita për i so amis.

A taia ogni mel ’l qual a porta nen dë frut ënt mi, e a poua coul ch’a porta dë frut, për ch’a caria ëncoura pi.

A l è sì mè coumandament, ch’i vë veui‐ie ben l’un l’aut, coum i l hai voulsù‐ve ben.

Ënt sò‐ssi mè Pare a l è glourificà, ch’i porte peui moutouben dë frut; e anloura i sarì i mè dissepoul.

I soun la vera viss, e mè Pare a l è ’l vignoulant.

Së queicadun a sta nen ënt mi, a l è campà fora coum la sarmenta, e a sëca; e peui a s’ëmbarouna, e a së butta al feu, e a së brusa.

I l hai di‐ve ste cose për chë mia goi a staga ënt voui, e chë vostra goi a sia perfetta.

S’i ousserve i mè coumandament, i starì ënt mè amour; coum i heu ousservà i coumandament dë mè Pare, e i stag ënt so amour.

I vë coumandou ste cose, per ch’i vë veui‐ie ben l’un l’aut.

S’i fusse stait dël mound, ’l mound a amëria lon ch’a saria sò; ma për moutiv ch’i si nen dël mound, e ch’i v’hai elett voui aiti dal mound, për causa dë lon ’l mound a vë veul mal.