Popular Bible Verses from Matius 5

Share

Awan lalo palita yang ikatio'en dinen, tentu na'an itongopi nanna basikomen. Palita yang ikatio'en tentu ipaduduk ibona dudukanna. Tentu itiang parawangi tau ilalam saoen. Jaji awan dinen bua daiki' arawangka' paitana lo'a tauen. Arung paita lapoang basaka' yang maamen, mainto' dapudina Ama'ka' yang di Surga kole'a tauen. Kenang ratina,” ingka kenang i Yesus lo'da'.

“Daikin di'en lalo yang jalu arawangen antarana anak mantuariin. Awan lalo banuaan yang ipaduduken ibona ukiten. Na'an ikule' ilamun. Pakita lapoang arawanga kole'a tauen.

"Iki' yang bareseen ateka', bauntungki' kole'a tau balu' dinen lalo ona' to' maitaan lo'a Alatala," ingka kenang i Yesus.

“Iki' yang baraa'en nyawaka' to' pasasaui nyawana Alatala, bauntungki'. Awan tau akaringen nyawana bainginen to' mainyum, awan tau mase'en batanga bainginen to' angkaan, ti' awan dinen raana nyawaka', bauntungki'. Kole'a tau balu' dinen lalo to' mandua'ang kamainya'anna dinen,” ingka kenang i Yesus lo'da'.

Poangsi daiak kujarumang lo'in, musuka' arung ikasaang iki'. Ambata tau yang parinsa'iin lo'ka' arung ido'aang iki'

“Iki' yang mainya'en pakeke' kaleka' di arona Alatala, yang na'anen marap lo'a kamaaman diri'ka', bauntungki'. Kole'a tau balu' dinen lalo yang to' dapadari panduduk kangkamanna Alatala,” ingka kenang manjaruma.

"Iki' yang mainya'en mawa pasikule'angen, bauntungki'. Kole'a tau balu' dinen lalo to' iasanen ona' anaka Alatala.

“Iki' yang ajau'en nyawaka', yang susaan, bauntungki'. Kole'a tau balu' dinen lalo yang to' dapamaamen nyawana,” ingka kenang i Yesus.

"Iki' yang, daparinsa'iin kakaru', dakalibakang tau kole'a malola'anika' lapoang lo'a panamuna Alatala, bauntungki'. Kole'a tau balu' dinen lalo ona' yang to' padari panduduk kangkamanna Alatala.

"Iki' yang mainya'en mangamase'i lo'a tauen, bauntungki'. Kole'a tau balu' dinen lalo yang to' dakamase'iin," ingka kenang i Yesus.

"Ti' ikin palola'ku' datamu kole' tauen, dapajau' barik, daparinsa'i barik, dapanganung-nganungi barik, bauntungkin. Arung sasau nyawaka'. Arungki' mangasuang nyawa kole'a baraa ona' opa'ka' di Surga. Kole'a awan dinen lalojo gulungan panjaruma Alatala daparinsa'ina kole'a tauen," ingka kenang i Yesus lo'da'.

“Iki' yang mainya'en alowe' ateka', bauntungki'. Kole'a tau balu' dinen lalo yang ampuna kausana ona',” ingka kenang manjaruma i Yesus.

Jaji manjarum i Yesus, “Daikin di'en kuasan sia'en. Jaji awan lalo sia'en yang bagunaan, daiki'pi arung baguna lo'a tauen. Poangsi ai lo'a sia'en ti' na'an barik masin? Ai lo'a polana manyuro' mole' masin rabarik? Na'an ikule'. Kosan barik ratina. Itampeang poang iki'. Dalat poang kole'a tauen,” ingka kenang i Yesus lo'da'.

Daiki' di'en arung tio' barese awan lalo Ama'ka' yang di Surga. Kenang ratina,” ingka kenang i Yesus lo'da'.

Ti'ki' manjarum, manjarum lapoang kenang. Ti'ki' masan tapat, tapatla. Ti'en na'an, na'anla. Andian poang itambai lo'a dinen, dinen lalo barasalen dari nanna tau palin ajau'en dinen,” ingka kenang lo'da'.

“Pangajaranen lo'da' andian bea idalinga ikin, Ti' tau marusak matana gulunganna dinen, arung ibalas isuro' arusak bapi matana. Ti' tau marusak isina gulunganna, ibalas isuro' arusak bapi isina, ingka kenang. Poangsi daiak laan bapi. Daiak manjarumak lo'in, ada'ki' manyari balasan ti' tau arasala'en lo'ka'. Ti'en andian tau manampar lindo'ka' katoen, ikoengang bapi dinen lindo'ka' kayoko'en ipalaloang poang kaleka' datampar bapi sabala'.

Jaji kenang, ati'en mataka' katoen mawa lo'ka' badosa, labi maam ikekes poang itampeang. Dari pada mantuarika' itampeangen sakala lo'a Banua Apiin, maam alit gulunganna yang itampeangen. Kenang bea tanganka' katoen yang mawaan lo'ka' badosa, itatak poang dinen tanganka', itampeang. Dari pada mantuarika' sakala itampeangen lo'a Banua Apiin, maam alit gulunganna yang itampeangen,” ingka kenang.