Popular Bible Verses from Matius 21

Share

Jalu ipitaan iki' di do'aka' pasti itarima' iki', asal poang parasaya',” ingka kenang i Yesus lo'da'.

Jaji dasauti kole'a i Yesus, “Manjarumak lo'in tapat-tapat. Ati'enkin parasaya', ti' na'an dua-talu atenin, daikinpi dinen pandekin mamola awan dinen bua. Okan dinen poang pande ilola'aniin. Manjarumki' lo'a ukiten isuro' angkatang kalena, tampeang kalena lo'a danoon, pande bua adari.

Andian lamba'en ijolona. Andian lamba'en imundina mamukoang, “Balangke tio'u anak kanturunanna baki' Raja Daud! Dapamaamko tau mondoken atas asanna Paraampuanen. Balangke tio'a Alatalaka' di kosanna di Surga,” ingka kenang tauen mamukona.

Laloang manjarum i Yesus lo'da', "Asi lo'a jalu datulisangen ilalam Jaruma Alatala dinen, “Saoku' di'en to' iasan sao kosan bado'aan, ingka kenangjo ilalam Jaruma Alatala. Poangsi daikin laan polana kole'in. Ipola ikin sao parampasen,” ingka kenang manjaruma i Yesus lo'da'.

Na, jarumang lo'a tau banua Sion, Belejo rajanin mondoka lo'in, yang tau alowe'en. Aduduk mauwat di keledaien, di anak keledai baruun dinen, ingka kenangjo panjaruma Alatala.

Jaji manjarum bapi i Yesus, “Na, kenang lalo ti'en jalu dakamainya'iin kole'a Alatala ikalibakang iki'. Asi dinen jalu datulisangen ilalam Jaruma Alatala manyama'angen lo'a tau dabayaangen dinen, na'an kala' ibasa ikin? Jaji kenang jalu datulisangen inang, Andian batu yang na'anen dapaguna kole'a tau pamola saoen, daunjang. Batu dinen barik yang padari batu palin pentingen di pambungunan. Dinen lalo karajana Alatala yang maamen jaji kalo'ka',” ingka kenangjo ilalam Jaruma Alatala.

“Jaji manjarumak lo'in, to' dapase'ang lo'in padari panduduk kangkamanna Alatala. To' daparuarang barik lo'a tau bokanen yang tau mainya'en mawa basa maamen, basa yang patuten lo'a tau panduduk kangkamanna Alatala, yang tau datamuun panyanjak kangkamanna Alatala. Isama'ang iki' awan tau manyewa kobon dinen de'i, anu mainya'en manyera bua'a lo'a tau ampuna kobonen.