Popular Bible Verses from Nyut a Lakana 2

Share

Ento atye i kop man i komi, yin ityeko weko mar a rik itye kede i agege.

Koŋ ipoyo, inen kit ame ipoto kede, eka ite ŋut, ite tiyo kit a rik itio me agege ca. Aco ka pe iŋut, abino bino baŋi, eka ate kwanyo gi-cibo tarani oko i kakare, ka mom iŋut.

Kur ilwor can a bino poto i komi. Nen ba, Catan bino bolo jo mogo i akinawu i buc me om yiwu. Obino wunowu pi nino apar. Bed ŋat a genne naka i to, eka ate miyi tok kwogo me kwo.

Ŋat a tye kede yit, myero owiny kop ame Cuny Acil okobo baŋ lwak oye an ducu. Ŋat ame oloo abino miye camo yat me kwo ame tye i Poto Obaŋa.’

“‘An aŋeo ticci ducu, kede kite ame ilolle kede, kede kite ame idio kede cunyi. Aŋeo kite acalo mom itwero kanyo kede jo areco, ento itemo jo ame lwoŋere kengi ni okwena, aco nono, eka daŋ ite moko ni gin ogoba.

Iŋeo diyo cunyi, itye ka kanyakino pi nyiŋa, daŋ mom ru iol gire.

Ŋat a tye kede yit, myero owiny kop ame Cuny Acil okobo baŋ lwak oye an ducu, Ŋat ame oloo, abino miye manna ame okano oko, dok daŋ abino miye gweŋ alilia atar, kede nyiŋ anyen ame ocoo i kom gweŋ alilianono, ame ŋattoro mom ŋeo, kono ka ŋat ame omio baŋe.’