Popular Bible Verses from Nyut a Lakana 21

Share

En bino weyo pig waŋgi oko ducu. To doŋ bino bedo pe, kadi kumo onyo koko, onyo rem, pien jami acon doŋ orwenyo oko atwal.”

Ŋat ame obedo i kom loc te kobo ni, “Nen, aketo jami luŋ tye anyen.” En dok okobo ni, “Co kop man, pien man en kop ame genne, dok me ateni.”

Eka dwonnoro aloŋo te pello iyi kom loc ame kobo ni, “Nen, kabedo Obaŋa doŋ tye baŋ jo. En doŋ bino bedo karacel kedgi, gin daŋ bino bedo jo mere. Obaŋa ikome bino bedo baŋ jo, kun bedo Obaŋagi.

Eka te kobba ni, “Doŋ otimere oko! An Alufa kede Omega, an ageyi kede agikki. Ŋat ame oryo ociro, abino miye mato pii akoŋ me kwo, aboŋo culloro.

Gat ame oloo, mannono en mot ame en bino nwoŋo, kun an abino bedo Obaŋa mere, en daŋ bino bedo atinna.

Ento jo a lwor, a mom ogen, otim timmogo me kwer, onek jo, otim tim me coco, otim tim jojok, owor cal jogi, kede ogoba ducu, gin obino nwoŋo megi i nam a tye a lyel i mac kede gweŋ calufa; mannono en to me aryo.”

Dok ate neno polo anyen kede loba anyen, pien polo me agege kede lobo me agege onwoŋo doŋ orwenyo oko, anaka nam-gu mom doŋ tye.

Eka ate neno boma acil, Jerucalem anyen, kun abino piny iya i polo baŋ Obaŋa, ame okwogo bala atera ame oruko pi cware.

Ceŋ onyo dwe mom mitte i bomanono me ryeny iye, pien kwogo Obaŋa en ame menyo, tara mere en Atin romo. Rok luŋ bino wowota i lero mere, obakki me lobo luŋ bino kela kwogogi iye.