Popular Bible Verses from Nyut a Lakana 20

Share

Ŋattoro a rik nyine mom onwoŋo ocoo i buk me kwo obolo oko i nam me mac.

Eka ate neno jo oto, jo adoŋo kede en ati no mege, kun ocuŋ i nyim kom loc, kun daŋ tye buke mogo ame oyabo. Oyabo daŋ bukkoro ocele, ame en buk me kwo. Jo oto onolligi kop kun olubo gin a nwaŋ gin otio, acalo ocoo i buke.

Nam dan odwoggo jo a rik oto iye, To kede Kadec daŋ te miyo jo oto a tye iye; oŋolo kop a ŋat acel acel kun luba gin a rik gin otio. Eka To kede Kadec ote bolo oko i nam me mac. Nam me mac en to me aryo.

Ate dok neno kommoro me loc, atar, adwoŋ, kede ŋat obedo iye. Lobo kede polo te riŋo oko i nyime, kabedogi mom dok te nen.

Ka mwaka tutumia doŋ ok ato, obino doŋ gonyo Catan i buccere. En bino donnyo oko me wot bwolo anaka rok luŋ ame tye i but lobo aŋwen luŋ, en Gog kede Magog, kede me cokogi pi mony, jo a polgi rom i kwoo me dog nam.