Popular Bible Verses from Nyut a Lakana 13

Share

Man mito ryeko ba, ŋattoro ame wie tio twero kwano namba me lee-nono, pien namba a dano moro; namba mere mia abicel i pyerabicel wie abicel.

lo luŋ ame bedo i lobo bino woro lee-nono, ŋat acel acel ame nyiŋe mom obin ocoo i buk me kwo Atin romo ame oneko, geye i acakki piny.

En dok omio oketo poo i kom jo luŋ, jo atino kede jo adoŋo, olonyo kede ocan, jo a loye kengi kede opii, i ciŋgi luŋ cem onyo i tur nyimgi. Mom tye ŋattoro a twero wi lo jami, onyo cato, ka mom etye kede poo-nono i kome, ame en nyiŋ lee ca, onyo namba me nyiŋe.

Ka onwoŋo oyiko ni mak ŋattoro me bedo opii, obino tere i opii; ka ŋattoro neko jo i pala lweny, en daŋ myero neke i pala lweny, Mannono en kan ame jo Obaŋa myero nyut iye kanyakinogi kede iyeegi.

Dok ate neno lee moro ame adonnyo iyi nam, ame tye i tuŋe apar kede wie abiro, kun tok kwogo apar me loc tye i tuŋe-nogo luŋ; i wie acel acel daŋ tye iye nyinnoro ame nyuto acae i kom Obaŋa.

Oye daŋ ni erom i jo Obaŋa, elogi, omie daŋ twer i kom atekere kede jo kede leb kede rok apapat luŋ

Pi ticcogo me awura ame oye ni etim i nyim lee me agege-naca, obwolo jo ame bedo i lobo, okobbijo ame bedo i lobo ni gin otim cal me woro lee ame rik owano kede pala romo, ento tye kwo. Dok ote yeye miyo weo baŋ cal lee ca, me cal lee dok kob kopporo, dok daŋ me mi nek jo luŋ ame pe woro cal lee.

Lee ame anenonu rik cal i kwac, tyene cal i tyen dubu, doge cal i dog eŋato. Twon twol iyiliyili ca te miyo baŋe teko mere, kede kom loccere, kede twer adwoŋ.

Lee-nu omie twer me kobo koppogo me awaka kede me yeto Obaŋa, dok daŋ omie twer me tiyo gin ame emito pi dwete pyeraŋwen wie aryo.

Wie acel iloki ogoo oneko oko, ento kan ame owano a romo neke onwoŋo doŋ ocaŋ oko. Lobo luŋ te wapo lee-nono kun owuro awura.

Dok ate neno lee ocele donnyo iyi lobo, kun tye i tuŋe aryo bala atin romo, kun loko bala twon twol iyiliyili. En otio kede twer a lee me agege ca luŋ ame lee ca tye; kun mio lobo kede jo luŋ a bedo iye woro lee me agege ame kan owano a romo neke doŋ ocaŋ oko.