Popular Bible Verses from Jo Eburania 11

Share

Iyee en ame moko gin ame ogeno, en gin a niaŋowa aber ni, jami a mom oneno komgi kara tye gigi. Pire omio jo acon, Obaŋa opwoogi.

Aboŋo iyee mom otwero yomoro yie, pien ŋattoro ame mito noko ceggi Obaŋa myero ye ni en tye, dok ni en mio mot baŋ jo a yenye.

Pi iyee wan oniaŋ ni, Obaŋa rik oketo wi podo luŋ kede koppere, ame omio gin ame nen otio i gin a mom nen.

Pi iyee Iburaim owinyo dog Obaŋa ka olwoŋe me wot i lobo i oko ame onwoŋo rik obino miye me bed mere. Oya oko i lobo mere kun pe ŋeo kan ame ewoto iye. Pi iyee en obedo acalo welo i lobo a rik Obaŋa ociko pire, kun bedo i kema gin Icaka kede Yakobo, ame gin daŋ omiogi cikere acellono.

Pi iyee Nua daŋ, ka Obaŋa okwenyoro en pi gin a mom ru onen, owinyo doge, eka te payo yee pi laro jo me ode. Iyee mere-ni omio kop oloo lobo eka te nwoŋo kite atir ame bino pi iyee.

Pi iyee Enoka rik otero malo me kur bil to. Mom obin onwoŋe, pien Obaŋa otere oko. I kare a mom ru otere, omio caden i kome, ni oyomoro yi Obaŋa.

Pi iyee Abel omio mot aŋola me yalo Obaŋa aber akato mea Kain oko, ame omio opwoe ni kite atir, kun Obaŋa obedo cadennere i gamo mottere. En oto, ento pi iyee mere en pwod tye akop.

Pi iyee anaka Cara onwoŋo teko me yac, kadi bed kare me nywallere doŋ okato. Man otimere pien otamo ni, ŋat ociko-nono genne.

Pien en onwoŋo akuro boma ca ame acakki te gedo mere tye atek, en ame Obaŋa obedo ago-callere kede agedo mere.

Pi iyee Muca, ka doŋ odoŋo, mom oye ni lwoŋe ni wot a nyaka a Parao, kun oyero neno can karacel i jo Obaŋa akaka bedo i yomcuny me bal ame ri pi kare anokkoro keken. Otamo ni ayet ame okanyo pi Kricito obedo lonyo adwoŋ kato lonyo luŋ i Miciri, pien onwoŋo ociko waŋe i kom mot ame i nyim. Pi iyee Muca oya oko i Miciri kun mom lworo akemo abaka; okanyo atek, acalo bala eneno Obaŋa a mom nen.

Pi iyee Iburaim, ka rik oteme, mio Icaka acalo mot aŋola me yalo Obaŋa; ŋat ame Obaŋa ocikere baŋe oyikere me miyo wode acel iloŋ acalo gin ame oŋolo me yalo Obaŋa

Pi iyee Rakab ame alaya mom obin oto karacel i jo a mom obedo owiny, pien onwoŋo rik ojolo orotpiny kede kuc.

Pi iyee jo Icrael oŋolo Nam Arema acalo wi tela otwo; cite jo Miciri omwony oko ka gin daŋ otemo timo amanno.

Pi iyee omio apama cel me Jeriko orutte piny a doŋ jo Icrael omano pi nino abiro.

Pi iyee daŋ en okwero ecuban me Kato, dok okiro remo, me wek anek otino kao kur gudgi.

Pi iyee Yucepu, iyi agikki me kwo mere, okobo pi yaa a jo Icrael i Miciri, eka pi kite me yiko cogo kome.

Pi iyee Yakobo daŋ, ka doŋ mito to, olamo winyo i kom itino a Yucepu acel acel, kun okulo wie i wi abiro me komo mere, me woro Obaŋa.

Pi iyee Icaka olamo winyo i kom Yakobo gin kede Ecau pi kare me i nyim.