Popular Bible Verses from Jo Eburania 10

Share

kun mom oweko wunu cokere karacel, kite acalo jo mogo oloko odoko kitegi, ento myero ocukoro wunu cunywa kenwa kenwa, akato mere kite acalo ineno wunu Nino-naca doŋ tye a noko ceggi.

Daŋ opar wunu kite a myero otugere wunu kenwa kenwa i mar kede tic abeco

Olid wunu atek gen a wan otuco, aboŋo tagere, pien ŋat ocikowa genne.

Kanyakino en gin a mitte meicel i tuŋ baŋwu, me iti wunu gin ame Obaŋa mito, ite nwoŋo wunu gin a rik en ociko pire

ber doŋ onok wunu Obaŋa ceggi kede cuny me ateni, kun iyee odonyo atut i cunywa, a doŋ yiwa ler pien okwanyo oko i tamwa ŋec me gin areco a yam otimo, dok daŋ ame komwa doŋ olwoko oko i pii acil.

Doŋ ba, kur iwuc wunu tekcunywu oko, pien bino kelo mot abup me pwoc.

Pien ka wan obalo me akaka a doŋ nwoŋo otyeko limo ŋec i kom kop me ateni, lee moro mom dok odoŋ ame aŋollo pi bal wa. Odoŋ kuro ŋolo kop keken kun otye wunu i lworo adwoŋ, kede mac ager ame bino tyeko jo a pyem Obaŋa.