Popular Bible Verses from Rômə 5

Share

Ndé Dyǔ lí mə́ sɛ́ ɛ lúfú nána a nə́ŋí sɛ́ á ɛ́tútú nána lí bwə́lí Krísto a wúlí á milú mí sɛ á púndá ɛyə̌ sí bílíní wɔ̂ baʼ bá bî,.

Libán lí nlə́m lí sɛ̌ sə́ ɛ kfúndi á ɛ́tútú nána Dyǔ lí mə́ sə́ ɛ lúfú ngə lí nə́ŋíní sə́ na mbálɛ ngə lí bwə́lí ɛniŋgán ɛ́ mɔ ɛ́ kwílí á milə́m mí sə. A bwəlí na ngə a bəkíní sɛ́ mudî ámə́ n sáŋí.

Sí wú pə́ munyɛŋgɛ á ɛ́tútú ɛ́ mutakaʼ ámə́ sí kwisíní á ɛ́tútú nána mutaka mû nán panan sɛ́ liwɛnsan. Liwɛnsan lí bwə́lí sí mə́ ɛ wɔ́ŋ ɛləm ɛ́yə́ Dyǔ lí kfúfwání. Ngə bá kfúfwání sɛ́ á wusú wú Dyǔ, yɔ̂ ɛ́ bwə́lí ka sí wɔ́ŋ libán lí nlə́m nána Dyǔ lí bwə yǔm ɛ́yə́ lí pɔ́ŋíní na lí bwə á sə́.

Áfánikə̌, á dúbɛ álə́ sí wɔ́ŋíní lí mə́ ɛ bwə Dyǔ lí núŋíní sə́ ngə baʼ ábə́ bá tyə́bí sîm á wusú wú mɔ, sí dí á musaŋgu na Dyǔ. Sáŋgúwə́ Yésu Krísto mɔ́ a bwəlí ka sí bá musaŋgu na Dyǔ. Yésuwə mɔ́ a dfulí sɛ́ nji álí wɔ́ŋ dúbɛ álí bwə nána sí kwísi nsimá n Dyǔ. Áfánikə̌, sí wú munyɛŋgɛ jǐta á ɛ́tútú nána sí mə́ ɛ bán milə́m mí sə nána sí kwísí wulɔʼ wú Dyǔ.

Á ɛtî ɛyə̌ sí sî wɔ́ŋní ngínya álí wúnján sɛ́mə̌n yɔ̂ Krísto a wúlíní á sə́, bá bwə bá wubî, á púndá ɛyə̌ Dyǔ lî n tyə́síní.

Bá kfúfúwání sə́ á wusú wú Dyǔ á ɛ́tútú ɛ́ makǐ má Yésuwə ámə́ a suwíní á milú mí sɛ. Njí makǐ ámə́ má súwání á milú mí sɛ má bwə́lí sɛ́ sí tyə́bí sîm á wusú wú Dyǔ, ɛ́yínán ɛ́ sɛ̌ sə́ ɛ lúfú nána Krísto á shuŋgɛ́ sɛ́ litúm á ɛniŋgán ɛ́ Dyǔ?

Ngə mɔʼ nfɔ́, Ádamə, a sî n wúkán Dyǔ, ɛ̂ m bwə baʼ básə́sə̌n bá bá baʼ bábî. Á mulimlim, ngə mɔʼ nfɔ́, Krísto, a wúkání Dyǔ, a bwəlí baʼ jǐta bá tyə́bí sîm á wusú wú Dyǔ.

Suká ɛ́yî wɔ̂, ndé sí wú munyɛŋgɛ á ɛ́tútú nána Dyǔ lí mə́ sə́ ɛ bwə sí bá baʼ bá mɔ á Sáŋgúwə́ n sɛ Yésu Krísto, awə̌ a bwəlí sí bá mɔʼ nfɔ́ na Dyǔ.