Popular Bible Verses from Rômə 6

Share

Nyí lɔlí ɛ bí nána nsáwu mú wubî nán panán líwá. Ndé jabeya álə́ Dyǔ lí bəní baʼ ŋgɛ̂nŋgɛ̂n lí dí luŋgɛ́ álə́ lí sɛ̌ ɛ́ mɛ. Sí mə́ lɔ́ ɛ kwisi, ngə sí díní na Sáŋgúwə́ n sə Yésu Krísto.

Wubî wú lɔ́liyǎ álí janiya nyə́. Nyí shiyǎ á wásé ɛ mbéndá, ndé nyí dí á nsimá n Dyǔ.

Á púndá ɛyə̌ bá dúmsɛ́ní sɛ́, ɛ́ lúfú nána, sí wúlí, na bá wushí sɛ́ na mɔ́. Ɛ́yínán ɛ́ bwə́lání nána sí wɔ́ŋ luŋgɛ́ lí kɔ́nə́. Ɛ́yínán ɛ́ dí mulimlim ngə sáŋ a m pumúní Yésuwə na wulɔʼ wú mɔ á luŋgɛ́ lí kɔ́nə́.

Nyí lɔ́liyǎ álí makú bíkisá bí nyǔ bí nyə á wubî átin, tɔ̌ nyí bwə́lan bɔ́ álí bwə wubî. Ndé nyí bə̌ nyǔ ɛ́ nyə á Dyǔ ngə baʼ ábə́ bá mə́ní ɛ́ fúl á liwá átin, ti bá bəkí bɔ́ luŋgɛ́ lí kɔ́nə́. Nyí bə̂ nyǔ ɛ́ nyə ɛsə́sə̌n á mákɛ́ má Dyǔ nána a bwə́lan nyə́ álí bwə̌ misam ámə́ mí tyə́bí sîm á wusú wú Dyǔ.

Sí bí nána ɛtî ɛ́yə́ bâ m bumíní Krísto á mbásá, bâ m bumí mɔ́ na ɛləm ɛ́yə́ sî n wɔ́ŋní á púndá ɛ nyakə́. Ɛ́yínán ɛ́ bwə́lání nána ngínya ɛ ɛləm ɛ́yî ɛ nyakə́ ɛyə̌ ɛ bwəlákí sə́ sí bwəlá wúbî ɛsə́sə̌n ɛ fɛnjí bam. Ɛ́yínán ɛ bwə wubî wú sî nuŋá pə́ sə́ batáŋ.

Mulimlim nâ nyí lɔ́líní ɛ mín nyǔ ɛ́ nyə ngə baʼ ábə́ bá mə́ ɛ́ wá, nána wubî wú sî janiya pə́ nyə́. Na nyí mín nyǔ ɛ́ nyə ngə baʼ ábə́ bá dí luŋgɛ́ na Dyǔ á Yésu Krísto.

Sɔnsɔ́nǎn yə̌ sí tíŋgání ɛ byá? Nána sí bá wɔ̌ ɛ bwə wubî álí bwə nána nsimá n Dyǔ m bwî? Tôm. Sí m mə̌ ɛ́ wá á wubî átin. Sí mə́ ɛ wá, sí wɔ́ŋiyǎ pə́ yǔm ɛli bwə na liwá. Yán sí tíŋgání pə́ ɛkə á wusú álí dyɛ á wubî átin?

Nyí bíyǎ nána njí mɔʼ a bə́kí nyǔ ɛ́ mɔ á wásé ɛ́ mɔʼ ampə́pə̂, á bwə ká njá yǔm ɛ́yə́ mɔʼ ani a byábíní nána a bwə, ní a dí ntáŋ á mɔ ani? Ndé mɔʼ awə̌ a bəkí nyǔ ɛ́ mɔ álí bwə ngə Dyǔ lí saʼní, a dí mɔʼ awə̌ ǎ bwə misam ámə́ mí tyə́bí sîm á wusú wú Dyǔ.

Ndé masákan má bá na Dyǔ. Nyə́ ábə́ nyí bílí batáŋ á wubî átin, nyí dí wɔ̂ ɛ nan mbálɛ na nlə́m nfɔ́ á misam mísə́sə̌n ámə́ bǎ n lɛ́fúní nyə́. Dyǔ lí mə́ nyə́ ɛ fúl á ngínya ɛ wubî, álí bwə misam ámə́ mí tyə́bí sîm á wusú wú Dyǔ.