Popular Bible Verses from Rômə 4

Share

Nlə́m mú Ábrahâmə m bíliyǎ ɛ́ kwəlí á likaʼ álə́ Dyǔ lî n bəní mɔ́. Ndé dúbɛ lí mɔ lí bwə mɔ́ a kpú, na a n kɛsí Dyǔ. A n dúbɛ́ bwǎm nána Dyǔ lí bwə̌ yə̌ ɛ́yə́ a fílíní likaʼ nána lí bwə.

Ɛ́ tílání á kâti ɛ́ Dyǔ nána, Dyǔ lí pɔ́ŋí Ábrahâmə nána, “M mə́ wə ɛ bwə sáŋ a bikumbu jǐta.” Áfánikə̌ Ábrahâmə mɔ́ a dí sáŋ n sɛ á wusú wú Dyǔ. Dyǔ álə́ Ábrahâmə a dúbɛ́ní, lɔ́ lí dí Dyǔ álə́ lí bə̂ bâʼ ábə́ bá mə́ ɛ wá luŋgɛ́, na lɔ́ lí byá na byə̌m ábə́ bí shiyǎ bí bá.

Dyǔ lí bə́kí Krísto álí wá á wubî wú sə. Dyǔ lí púmú mɔ́ álí bwə nána sí wɔ́ŋ nji álí tyə́ sîm á wusú wú Dyǔ.

Ábrahâmə a m dúbɛ́ Dyǔ na a m bán nlə́m m mɔ́ á lɔ́, ká ngə á mǐ má mɔnyuŋ, yándá ká lífɔ́ lí sî n bá álə́ lí lúfú nána misam ámə́ Dyǔ lî m byá nána lí bwəlan, mí bwəlan. A n dúbɛ́ nána mɔ́ mú m bá, “Sáŋ a bikumbu jǐta” ngə Dyǔ lí pɔ́ŋíní mɔ́ nána, “Nja n wə m bwi átin ngə títí.”

Áfánikə̌, Dyǔ lí bə̂ bâ likaʼ lî á ɛ́tútú ɛ́ dúbɛ. Lí bwə́lí nâ á ɛ́tútú nána ɛ́ bá nána nsimá m mɔ mɔ́ m bwə́lí ka lí pɔŋ jyá n Ábrahâmə ɛtî ɛfɔ́ na bitî bísə́sə̌n nána lí bə yə̌ ɛ́yə́ a fílíní likaʼ nána lí bə. Lí sî fá likaʼ wɔ̂ á baʼ ábə́ bá nan mbéndá. Lî n fá pə́ likaʼ á baʼ básə́sə̌n ábə́ bâ n dúbɛ́ Dyǔ ngə Ábrahâmə a n dúbɛ́ Dyǔ. Ábrahâmə a dí sáŋ n sɛ mɔʼ ansə́sə̌n.

Kə̂ŋ Devídə a m byá nána, “Wunam wú bá na baʼ ábə́ Dyǔ lí mə́ní ɛ laksɛ́ mawusə́ má bɔ, ti a fyákú mawusə́ má bɔ. Wunam na mɔʼ awə̌ Sáŋgúwə́ Dyǔ lí sî pɔŋání pə́ wubî wú mɔ.”

A púlakiyǎ ɛ́ bwə nâ. Ɛyala ɛ́ Dyǔ ɛ́ byábí nána, “Ábrahâmə a n dúbɛ́ Dyǔ, á ɛ́tútú ɛ́ dúbɛ lí mɔ, Dyǔ lî n nuŋ mɔ́ ngə mɔʼ awə̌ a tyə́bí sîm á wúsú wú mɔ.”