Popular Bible Verses from Mabwəlan 2

Share

Píta a pushú bɔ́ nána, “Mɔʼ na mɔtɛ́ á nyə́ a makú wubî wú mɔ na bá dúmsɛ mɔ́ á dǐn lí Yésu Krísto, álí bwə nána Dyǔ lí laksɛ́ wubî wú nyə. Ti Dyǔ lí bə nyə́ jabeya lí mɔ álə́ lí dí Mudî ámə́ n Sáŋí.

Badúbedi bá bə́kí milə́m mí bɔ álí wúku yə̌ ɛ́yə́ bawútú-bálí-lúm bá bílíní ɛ lɛ́fu, na bá bílí ndíŋgí na baʼ ábə́ bá dúbɛ́ Krísto. Búwabɔ́ bá bílí ɛ bwə makáni na bá dyá pə́ lidyá fǔm bufɔ́.

Bɔ́ básə́sə̌n bâ n lwínj na Mudî ámə́ n Sáŋí, mɔtɛ́ a butí ɛ byá á mibyá mí baʼ bápə́pə̂ ámə́ bá sî n məní ɛ wúku. Mudî ámə́ n Sáŋí mɔ̂ n dyɛ́lɛ́ bɔ́ álí byá yə̌ ɛ́yə́ bá bílíní ɛ byá.

Ntɔkɔku n fí á nkímínyə́ təlí. Ntɔkɔku mû m bílí ngə ɛkful ɛ́nə̂n. Ntɔkɔku mû n lwínjí ndáʼ ɛ́sə́sə̌n áfə́ badúbedi bâ bá bílíní. Bâ m mín byə̌m ábə́ bí bílí mwǐ ámə́ m bílí ngə biyə́m bí tyə́bí mɔtɛ́ á nyǔ. Bɔ́ básə́sə̌n bâ n lwínj na Mudî ámə́ n Sáŋí, mɔtɛ́ a butí ɛ byá á mibyá mí baʼ bápə́pə̂ ámə́ bá sî n məní ɛ wúku. Mudî ámə́ n Sáŋí mɔ̂ n dyɛ́lɛ́ bɔ́ álí byá yə̌ ɛ́yə́ bá bílíní ɛ byá.

Bǔn tɛ́ bá tánákí á ɛ́búka ɛ́ Tɛ́mpɛl álí bə̌ makáni. Bá bílí ɛ dyá ɛ́yɔyɔʼ á mandáʼ má mɔʼ na mɔtɛ́. Bá bílí ɛ dyá na munyɛŋgɛ na nlə́m nfɔ́. Bá bílí ɛ kɛsí Dyǔ, na baʼ á bâ básə́sə̌n bâ n wɔ́ŋ nlə́m mbâ á bɔ́. Bǔntɛ́ Dyǔ lí bílí á bán baʼ á nsɔŋgí m bâʼ á ábə́ bâ m mə̌ ɛ́ kwísí lishuŋgɛ á baʼ ábə́ bá dúbɛ́.

Dyǔ lí byábí nána, ‘Á madû má shúkán, n lúm Mudî ámə́ n Sáŋí m myə ámə́ m paʼ á nyə́ baʼ básə́sə̌n. Bǎn bá nyə bá bumân na balân bá pɔŋákí misam ámə́ mí bwəlan á madû ámə́ má dí á wúsú. Kɔ́líbâʼ ɛ́ nyə ɛ́ mín biyúŋgu ábə́ bí fí á mi, batína bá nyə bá mín milú-mí-mayɔ́.

Badúbedi básə́sə̌n bá bílí ɛ shwinjan fǔm bu nfɔ́. Yǔm tɛ́ ɛ́yə́ mɔʼ a n wɔ́ŋí ɛ́ bílí á mɔ ansə́sə̌n. Bá bílí ɛ súm litfu lí bɔ, bá kabá ngáʼ ngə mɔtɛ́ a bílíní ɛ sa.

Á púndá ɛni, ká njá awə̌ a pushú nána Yésuwə mɔ́ á dí Sáŋgúwə́ m mɔ, á kwisí líshuŋgɛ.’”

Dúlu lí tîm ɛ́ bá ɛfínjan, ngɔn ɛ́ tim ɛ́ bá túnakɛ̂ ngə makǐ. Misam mínán mí bwəlan byáná bǔn bú nə̂n bú wulɔʼ wú Dyǔ wú paʼní.